ໄພນ້ຳຖ້ວມຄັ້ງໃຫຍ່ ເຮັດໃຫ້ຜົນຜະລິດ ພາກກະສິກຳ ເສຍຫາຍໄປ ຢ່າງຫຼວງຫຼາຍ

ເຈົ້າໜ້າທີ່ຂັ້ນສູງໃນອົງການອາຫານ ແລະການກະເສດແຫ່ງສະຫະປະຊາຊາດ ຫຼື FAO
ປະຈຳບາງກອງ ປະເທດໄທ ເປີດເຜີຍວ່າ FAO ໄດ້ປະເມີນເບື້ອງຕົ້ນວ່າ ໄພນ້ຳຖ້ວມຄັ້ງ
ໃຫຍ່ ທີ່ເກີດຂຶ້ນທົ່ວປະເທດລາວ ນັບແຕ່ກາງເດືອນກໍລະກົດ 2018 ເປັນຕົ້ນມາ ໄດ້ເຮັດ
ໃຫ້ເກີດການເສຍຫາຍໄປແລ້ວ ຫຼາຍກວ່າ 1,800 ຕື້ກີບ ໂດຍພາກກະສິກຳ ຖືເປັນພາກ
ການຜະລິດທີ່ເສຍຫາຍຫຼາຍທີ່ສຸດ ຄິດເປັນມູນຄ່າເກີນກວ່າ 1,260 ຕື້ກີບ ຊຶ່ງກໍໄດ້ສົ່ງ
ຜົນກະທົບຕໍ່ແຜນການຜະລິດ ໃນດ້ານກະສິກຳປະຈຳປີ 2018 ນີ້ ຢ່າງຫລີກລ່ຽງບໍ່ໄດ້.

ທັງນີ້ ໂດຍລັດຖະບານລາວ ໄດ້ວາງແຜນການຊຸກຍູ້ການຜະລິດພາກກະສິກຳ ໃນປີ
2018 ໃຫ້ຂະຫຍາຍຕົວເພີ້ມຂຶ້ນໃນອັດຕາສະເລ່ຍ 2.8 ເປີເຊັນ ທຽບໃສ່ປີ 2017 ຊຶ່ງ
ຈະເຮັດໃຫ້ຜົນຜະລິດພາກກະສິກຳ ມີສັດສ່ວນຄິດເປັນ 15.73 ເປີເຊັນ ຂອງຍອດຜະ
ລິດຕະພັນລວມພາຍໃນ (GDP) ໃນປີ 2018 ນີ້ ຫາກແຕ່ດ້ວຍຜົນກະທົບ ຈາກໄພ
ນ້ຳຖ້ວມດັ່ງກ່າວ ກໍເຮັດໃຫ້ຜົນຜະລິດກະສິກຳເສຍຫາຍໄປແລ້ວ ເກີນກວ່າ 5 ເປີເຊັນ
ຂອງເປົ້າໝາຍທີ່ວາງໄວ້ ທັງຍັງສົ່ງຜົນກະທົບ ຕໍ່ຄວາມໝັ້ນຄົງດ້ານສະບຽງອາຫານ
ໃນລາວອີກດ້ວຍ.

ກະສິກອນຊາວນາລາວ ກຳພາກັນປັກດຳນາປີ ຂອງພວກເຂົາເຈົ້າ

ໂດຍກ່ອນໜ້ານີ້ ລັດຖະບານລາວ ໄດ້ວາງເປົ້າໝາຍຊຸກຍູ້ການຜະລິດເຂົ້າ ເພື່ອສົ່ງອອກ
ໄປຕ່າງປະເທດໃຫ້ໄດ້ 4 ແສນໂຕນໃນປີ 2018 ນີ້ ດ້ວຍການຂະຫຍາຍເນື້ອທີ່ປູກເຂົ້າ
ໃຫ້ກວ້າງກວ່າ 1 ລ້ານເຮັກຕາ ແລະມີສະມັດຖະພາບ ສະເລ່ຍ 4.2 ໂຕນຕໍ່ເຮັກຕາ ຊຶ່ງກໍ
ຈະເຮັດໃຫ້ໄດ້ຜົນຜະລິດເຂົ້າລວມເຖິງ 4.22 ລ້ານໂຕນ ໃນທົ່ວປະເທດ ທີ່ແບ່ງເປັນຜົນ
ຜະລິດເຂົ້ານາແຊງ 475,600 ໂຕນ ເຂົ້ານາປີ 3,553,000 ໂຕນ ແລະເຂົ້າໄຮ່ 2 ແສນ
ໂຕນ ທັງນີ້ຄາດວ່າ ປະຊາຊົນລາວ ຈະຕ້ອງການບໍລິໂພກເຂົາໃນປະລິມານລວມເຖິງ
2.7 ລ້ານໂຕນ ສະໜອງໃຫ້ກັບອຸດສາຫະກຳແປຮູບ 6 ແສນໂຕນ ແລະເກັບໄວ້ໃນຄັງ
ແຮ່ສຸກເສີນ 4 ແສນໂຕນ.

ທາງດ້ານກະຊວງກະສິກຳ ແລະປ່າໄມ້ ລາຍງານວ່າ ໄພນ້ຳຖ້ວມຄັ້ງໃຫຍ່ເຮັດໃຫ້ທີ່ນາ
ເສຍຫາຍໄປຢ່າງສິ້ນເຊິງ ໃນເນື້ອທີ່ລວມ 114,434 ເຮັກຕາ ຄິດເປັນ 15 ເປີເຊັນ
ຂອງນາປີ ທີ່ປັກດຳແລ້ວກວ້າງກວ່າ 768,400 ເຮັກຕາ ໃນຂະນະທີ່ແຜນການປີ 2018
ວາງເປົ້າໝາຍການປັກດຳເຂົ້ານາປີ ໃຫ້ໄດ້ 817,800 ເຮັກຕາ ແຕ່ດ້ວຍຜົນເສັຍຫາຍ
ດັ່ງກ່າວ ກໍເຮັດໃຫ້ການປັກດຳນາປີ ໄດ້ຕ່ຳກວ່າ 80 ເປີເຊັນ ຂອງແຜນການ.

ຍິ່ງໄປກວ່ານັ້ນ ກະເສດຕະກອນລາວ ຍັງສູນເສຍສັດລ້ຽງໄປຫລາຍໝື່ນໂຕ ອີກດ້ວຍ
ໃນນີ້ແບ່ງເປັນງົວ 13,500 ໂຕ ຄວາຍ 5,871 ໂຕ ໝູ 2,778 ໂຕ ແບ້ 680 ໂຕ ສັດປີກ
34,780 ໂຕ ໜອງປາ 1,887 ໜອງ ສວນຜັກ 5,200 ກວ່າເຮັກຕາ ແລະຄອງຊົນລະ
ປະທານ 600 ແຫ່ງເສຍຫາຍໄປ ຢ່າງສິ້ນເຊິງ ຊຶ່ງຈະຕ້ອງໃຊ້ງົບປະມານຫລາຍກວ່າ
1,800 ຕື້ກີບ ເພື່ອການຟື້ນຟູໃຫ້ກັບຄືນສູ່ສະພາວະປົກກະຕິ.

ສ່ວນທ່ານລຽນ ທິແກ້ວ ລັດຖະມົນຕີວ່າການກະຊວງກະສິກຳ ແລະປ່າໄມ້ ຖະແຫລງ
ຍອມຮັບ ວ່າ ການຜະລິດເຂົ້ານາປີ 2018 ຈະບໍ່ໄດ້ຕາມເປົ້າໝາຍ ກໍຄືຈະຜະລິດໄດ້ບໍ່
ເກີນ 3.2 ລ້ານໂຕນເທົ່ານັ້ນ ຈຶ່ງເຮັດໃຫ້ຕ້ອງຊຸກຍູ້ການປູກເຂົ້ານາແຊງໃຫ້ໄດ້ 1 ແສນ
ເຮັກຕາ ເພື່ອໃຫ້ໄດ້ຜົນຜະລິດ 475,600 ໂຕນ ຫາກແຕ່ບັນຫາກໍຄືຄອງຊົນລະປະ
ທານ ໄດ້ເສຍຫາຍໄປ 600 ກວ່າແຫ່ງ ດັ່ງທີ່ ທ່ານໄມກອງ ພອນພົມມະວົງ ຫົວໜ້າກົມ
ຊົນລະປະທານ ໃຫ້ການຢືນຢັນວ່າ:

“ຫົກຮ້ອຍໂຄງການນີ້ ກະຍັງບໍ່ຮູ້ວ່າ ມັນຈະເພຫລາຍເພໜ້ອຍ ແຕ່ວ່າ ສຳລັບພາກ
ເໜືອ ມັນຮຽບຮ້ອຍກະເພຫັ້ນແຫລະ ແລ້ວເໝືອງກະດິນມາຖົມແດ່ ມັນກະເຊາະ
ເຈື່ອນແດ່ ໄຫລໄປນຳນ້ຳແດ່ ແລ້ວທາງເໜືອກະເສຍທັງເໝືອງ ທັງຝາຍ ເສຍທັງ
ເນື້ອທີ່ ພາກກາງ ພາກໃຕ້ນີ້ເສຍໜ້ອຍ ເສຍຫຼາຍປານໃດ ກະບໍ່ທັນຮູ້ ມັນຍັງຢູ່ພື້ນ
ນ້ຳຢູ່ເດ້ ຂີ້ຕົມຍັງເຕັມຢູ່ຫັ້ນ.”

ຍິ່ງໄປກວ່ານັ້ນ ກໍຍັງຈະຕ້ອງຊຸກຍູ້ການປູກພືດລະດູແລ້ງ ໃຫ້ໄດ້ເນື້ອທີ່ເຖິງ 185,000
ເຮັກຕາດ້ວຍ ຈຶ່ງຈະຮັບປະກັນການຕອບສະໜອງສະບຽງອາຫານໄດ້ພຽງພໍກັບຄວາມ
ຕ້ອງການ ທີ່ເປັນຈິງໃນລາວ.

Cr: Voalao

ສຸດຍອດໄອເດຍສຸດເຈັ໋ງ…!!! ວິທີ ແລະ ຂັ້ນຕອນການເຮັດ ” ແກ໊ສຊີວະພາບ ” ຈາກຂີ່ງົວ ເຮັດໄດ້ບໍ່ຍາກ ເຮັດແນວໃດໄປເບີ່ງເລີຍ…??

• ຂັ້ນຕອນການພະແກ໊ສຊີວະພາບ ແບບພໍພຽງໃນຄົວເຮືອນ

1. ເລືອກພື້ນທີ່ບໍ່ຫ່າງຈາກຄອກງົວເກີນໄປ ຫ່າງຈາກຄົວເຮືອນບໍ່ເກີນ 50 ແມັດ ແລ້ວວາງແຜນຈຸດພື້ນທີ່ຂຸດເຮັດບໍ່ຕາມແຜ່ນ

ລັດຖະບານ ຫ້າມພໍ່ຄ້າຕ່າງປະເທດເຂົ້າມາເກັບຊື້ເຂົ້າຢູ່ພາຍໃນ

ລັດຖະມົນຕີ ກະຊວງ ອຸດສາຫະກຳ ແລະ ການຄ້າ ອອກແຈ້ງການຫ້າມພໍ່ຄ້າຕ່າງປະເທດເຂົ້າມາເກັບຊື້ເຂົ້າຢູ່ພາຍໃນ ແລະ ປັ່ນປ່ວນລາຄາເຂົ້າໂດຍບໍ່ມີໃບທະບຽນວິສາຫະກິດທີ່ຖືກຕ້ອງຕາມກົດໝາຍ ພ້ອມສັ່ງໃຫ້ພະແນກ ອຸດສາຫະກຳ ແລະ ການຄ້າ ແຂວງ ແລະ ນະຄອນຫຼວງເອົາໃຈໃສ່ຄຸ້ມຄອງລາຄາຊື້-ຂາຍເຂົ້າທຸກຊະນິດຕາມທ້ອງຕະຫຼາດ ບໍ່ໃຫ້ບຸກຄົນ, ຫົວໜ່ວຍທຸລະກິດ ຫຼື ໂຮງສີຕ່າງໆເປັນຕົວແທນເກັບຊື້ເຂົ້າໃຫ້ຊາວຕ່າງປະເທດໂດຍອາໃສໃບທະບຽນວິສາຫະກິດຂອງຄົນລາວ ຫຼື ເອົາເງິນທຶນໃຫ້ເພື່ອເກັບຊື້ ແລະ ກັກຕຸນສິນຄ້າ ສ້າງຄວາມປັ່ນປ່ວນທາງດ້ານລາຄາຊື້ຂາຍ-ເຂົ້າ, ຜູ້ທີ່ມີສິດເກັບຊື້ເຂົ້າຈາກຊາວນາ ຫຼື ກຸ່ມຊາວນາໄດ້ ຕ້ອງແມ່ນສະມາຄົມ/ກຸ່ມໂຮງສີ ຫຼື ທຸລະກິດຊື້-ຂາຍເຂົ້າທີ່ມີໃບທະບຽນໂດຍຖືກຕ້ອງເທົ່ານັ້ນ.

ນແຈ້ງການເລກທີ 1265/ອຄ.ກຄພນ ລົງວັນທີ 17 ກັນຍາ 2018 ໄດ້ລະບຸວ່າ: ປະຈຸບັນໄດ້ເກີດມີພໍ່ຄ້າຄົນກາງຈາກຕ່າງປະເທດເຂົ້າມາເກັບຊື້ເຂົ້ານຳຊາວນາໂດຍພາລະການເພື່ອສົ່ງອອກໄປຕ່າງປະເທດ ແລະ ໄດ້ມີການເກງລາຄາຂຶ້ນສູງກວ່າລາຄາຊື້-ຂາຍຕົວຈິງເຊິ່ງມັນໄດ້ສົ່ງຜົນກະທົບອັນບໍ່ຊອບທຳໃຫ້ແກ່ຫົວໜ່ວຍທຸລະກິດທີ່ໄດ້ເຮັດພັນທະໃຫ້ລັດຖະບານເຊັ່ນ: ພັນທະໃຫ້ແກ່ທະຫານ, ຕຳຫຼວດ, ອົງການຈັດຕັ້ງສາກົນທີ່ເຂົ້າມາຊ່ວຍເຫຼືອເຂດຫ່າງໄກສອກຫຼີກທີ່ຂາດແຄນທາງດ້ານສະບຽງອາຫານ, ພັນທະການເກັບຊື້ເຂົ້າໄວ້ເປັນຄັງແຮຂອງລັດຖະບານ ແລະ ບັນຫາອື່ນໆ ເຮັດໃຫ້ບໍ່ສາມາດແຂ່ງຂັນລາຄາເກັບຊື້ເຂົ້າກັບພໍ່ຄ້າມືກາງຈາກຕ່າງປະເທດໄດ້.

ປະທານປະເທດຫວຽດນາມເຖິງແກ່ມໍລະນະກຳແລ້ວ ຫຼັງປ່ວຍໜັກຫຼາຍເດືອນ

ສຳນັກຂ່າວຕ່າງປະເທດລາຍງານຈາກນະຄອນຫຼວງຮ່າໂນຍ ປະເທດຫວຽດນາມ ເມື່ອວັນທີ 21 ກັນຍາ 2018ວ່າ ສຳນັກຂ່າວຫວຽດນາມສື່ທາງການຂອງຫວຽດນາມລາຍງານວ່າ ປະທານປະເທດ ດີເຈິ່ນ ດ້າຍ ກວາງ ແຫ່ງຫວຽດນາມໄດ້ເຖິງແກ່ມໍລະນະກຳແລ້ວທີ່ໂຮງໝໍທະຫານ 108 ໃນນະຄອນຫຼວງຮ່າໂນຍ ເມື່ອວັນສຸກທີ 21 ກັນຍາ 2018 ດ້ວຍໄວອາຍຸ 61 ປີ  ຫຼັງຈາກປ່ວຍໜັກໃນຊ່ວງໄລຍະຫຼາຍເດືອນທີ່ຜ່ານມາ ແລະ ໄດ້ເຂົ້າຮັກສາຕົວທັງໂຮງໝໍໃນຫວຽດນາມ ແລະ ໂຮງໝໍໃນຕ່າງປະເທດ.

ປະທານປະເທດ ດີເຈິ່ນ ດ້າຍ ກວາງ ເປັນປະທານປະເທດຄົນປັດຈຸບັນຂອງຫວຍດນາມ ໂດຍໄດ້ຮັບເລືອກໃຫ້ດຳລົງຕຳແໜ່ງປະທານປະເທດຫວຽດນາມ ເມື່ອວັນທີ 2 ເມສາ 2016 ແລະ ກ່ອນໜ້ານີ້ເຄີຍດຳລົງຕຳແໜ່ງອະດີດລັດຖະມົນຕີກະຊວງຄວາມໝັ້ນຄົງສາທາລະນະຂອງຫວຽດນາມ.


ແຫຼ່ງຂ່າວ:​ thairath.co.th

ຍັງຈື່ກັນໄດ້ບໍ! ບິນລີ ນັກເຕະເຊືອສາຍລາວ ທີ່ຫຼາຍຄົນຄິດຮອດຢາກໃຫ້ມາຊ່ວຍທີມຊາດລາວ

ໃນຍຸກທີ່ ທີມຊາດລາວ ສ້າງຜົນງານຕົກຕໍ່າ ເຊື່ອແນ່ວ່າ ຫຼາຍຄົນຄົງຄິດຮອດ ບິນລີ ວິໄລພອນ ເກດແກ້ວພົມພອນ (billy ketkeophomphone) ກອງໜ້າເຊື້ອຊາດລາວ ຄົນທໍາອິດທີ່ກ້າວຂຶ້ນໄປຫຼິ້ນໃນລີກສູງສຸດຂອງປະເທດຝຣັ່ງ ແລະ ລາວຫວັງຍາກມາຫຼິ້ນໃຫ້ກັບທີມຊາດລາວ, ແຕ່ເນື່ອງຈາກບ້ານເຮົາບໍ່ອວຍອໍານວຍ ຈິ່ງບໍ່ສາມາດເກີດຂຶ້ນໄດ້.

ບິນລີ ເກີດວັນທີ 24 ມີນາ 1990 ທີ່ ເມືອງ Champigny sur Marne ແລະ ໃຫຍ່ໃນຄອບຄົວທີ່ມີອ້າຍເອື້ອຍນ້ອງນໍາກັນ 5 ຄົນ, ບິນລີ ເກດແກ້ວ ເຊື້ອຊາດລາວ ຍັງບໍ່ເຄີຍເຫັນບ້ານເກີດພໍ່ແມ່ຂອງຕົນຈັກເທື່ອ ແລະ ນີ້ເປັນຄວາມໄຝ່ຝັນຂອງຜູ້ກ່ຽວຢາກມາເຫັນບ້ານເກີດພໍ່ແມ່ຂອງຕົນ.

ຫຼັງຈາກ ທີ່ຈົບຈາກໂຮງຮຽນທີ່ເມືອງ Bussy ລາວກໍ່ໄດ້ເຂົ້າຝຶກທີ່ສະຖາບັນບານເຕະແຫ່ງຊາດ Clairefontaine ຫຼື INF ຕອນອາຍຸ 13 ປີ.

ບິນລີ ເກດແກ້ວ ໄດ້ເຂົ້າຮ່ວມທີມ Strasbourg ໃນປີ 2009 ເຊິ່ງເປັນການເລີ່ມຕົ້ນເສັ້ນທາງບານເຕະອາຊີບຂອງຜູ້ກ່ຽວ, ຫຼັງຈາກນັ້ນ ບິນລີ ເກດແກ້ວ ກໍ່ໄດ້ອອກຈາກສະໂມສອນ Strasbourg ແລ້ວໄປຢູ່ນໍາ FC Sion ທີ່ປະເທດ Suisse ໃນປີ 2011 ແຕ່ເປັນປະສົບການ ແລະ ຄວາມສົ່ງຈໍາທີ່ບໍ່ຄ່ອຍດີ ເພາະວ່າລາວບໍ່ມີໂອກາດໄດ້ລົງຫຼີ້ນເລີຍ.

ເດືອນມັງກອນ ປີ 2012 ຜູ້ກ່ຽວໄດ້ເຂົ້າຮ່ວມທີມ FC Tours ຈົນມາແຈ້ງເກີດໃນລະດູການ 2012-2013 ເມື່ອລົງສະໜາມ 101 ນັດສາມາດຍິງໄດ້ເຖິງ 21 ປະຕູ ຈົນມາເຖິງທ້າຍປີ 2015 ຍ້າຍມາຫຼິ້ນໃຫ້ກັບ Angers SCO ແລະ ພາທີມກ້າວຂຶ້ນມາຫຼິ້ນໃນລີກສູງສຸດຂອງປະເທດຝຣັ່ງ ໃນລະດູການ 2016-2017 ຈົນເຖິງປັດຈຸບັນ.

ຢ່າງໃດກໍ່ຕາມ, ຄວາມເປັນໄປໄດ້ໃນການທີ່ ບິນລີ ຈະມາຫຼິ້ນໃຫ້ກັບ ທີມຊາດລາວ ມີໜ້ອຍເຫຼືອເກີນ ເພາະເວົ້າເລື່ອງການສັ້ນຊາດ ເພາະບິນລີ ມີສັນຊາດຟຣັ່ງ ແລະ ມີຄ່າຕົວທີ່ສູງໃນລີກປະເທດດັ່ງກ່າວ ລວມເຖິງຫຼາຍໆປັດໃຈທີ່ເຮັດລາວບໍ່ສາມາດມາຫຼິ້ນໃຫ້ກັບທີມຊາດລາວໄດ້.

ຢ່າງໃດກໍ່ຕາມ, ການທີ່ ບິນລີ ສ້າງຄວາມຮືຮາໃຫ້ກັບວົງການບານເຕະລາວ ນັ້ນກໍ່ເປັນເລື່ອງທີ່ດີ ເພາະຈະເປັນແບບຢ່າງໃຫ້ກັບນັກເຕະລາວ ແລະ ຄົນລາວ ຫັນມາຫຼິ້ນບານເຕະຫຼາຍຂຶ້ນ ເພື່ອເປັນອະນາຄົດຂອງຊາດ, ອີກເທື່ອໜຶ່ງ ມາຮູ້ຈັກລາວເພີ່ມເຕີມດ້ວຍການເບິ່ງຄລິບລຸ່ມນີ້

Tagged ​ ກິລາຕ່າງປະເທດ, ກິລາ, ນັກເຕະເຊື້ອສາຍລາວ, ບານເຕະ, ​ບິນລີ, ປະຫວັດນັກກິລາ

ເຈົ້າແຂວງ ຊຽງຂວາງ ຊີ້ແຈງສາເຫດການເລື່ອນຈັດງານມະຫາກຳກິລາແຫ່ງຊາດ ຄັ້ງທີ XI

ອີງຕາມການລາຍງານຂອງວິທະຍຸກະຈາຍສຽງແຫ່ງຊາດໃຫ້ຮູ້ວ່າ: ຈາກກໍລະນີທີ່ຫ້ອງວ່າການສຳນັກງານນາຍົກລັດຖະມົນຕີ ອອກແຈ້ງການເລກທີ 1525/ຫສນຍ.ກລຂ ລົງວັນທີ 14 ກັນຍາ 2018 ເຫັນດີໃຫ້ເລື່ອນການຈັດງານມະຫາກໍາກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ ຈະເປັນເຈົ້າພາບໃນລະຫວ່າງວັນທີ 11 – 21 ພະຈິກ 2018 ອອກໄປເປັນ ວັນທີ 11 – 21 ພະຈິກ 2019 ນັ້ນ, ທ່ານ ບຸນຕົ້ນ ຈັນທະພອນ, ເຈົ້າແຂວງ ແຂວງຊຽງຂວາງ ໄດ້ໃຫ້ສຳພາດເພື່ອຊີ້ແຈງກ່ຽວກັບເລື່ອງນີ້ ໃນໂອກາດເຂົ້າຮ່ວມກອງປະຊຸມລັດຖະບານເປີດກ້ວາງ ຄັ້ງທີ II ປີ 2018 ເຊິ່ງຈັດຂຶ້ນຢູ່ນະຄອນຫລວງວຽງຈັນ ລະຫວ່າງວັນທີ 17 ຫາ 18 ກັນຍາ 2018 ນີ້. ທ່ານໄດ້ກ່າວວ່າ: ເຫດຜົນທີ່ລັດຖະບານເຫັນດີໃຫ້ເລື່ອນການຈັດການແຂ່ງຂັນກິລາແຫ່ງຊາດຄັ້ງນີ້ ບໍ່ໄດ້ແມ່ນຍ້ອນສາເຫດທີ່ວ່າແຂວງຊຽງຂວາງ ກະກຽມພື້ນ ຖານໂຄງລ່າງບໍ່ທັນ ແຕ່ຢ່າງໃດ, ເພາະລັດຖະບານກໍ່ໄດ້ສະໜອງງົບປະມານເຂົ້າໃນການກະກຽມພື້ນຖານໂຄງລ່າງ ຢ່າງພຽງພໍກັບຄວາມຕ້ອງການແລ້ວ, ເປັນຕົ້ນ: ສະໜາມ ທີ່ຈະໃຊ້ເຂົ້າໃນພິທີເປີດ-ປິດ, ສະໜາມແຂ່ງຂັນກິລາແຕ່ລະປະເພດ, ສະຖານທີ່ພັກເຊົາຂອງຄູເຝິກ ແລະ ນັກກິລາ ແລະ ອື່ນໆ. ເຫດຜົນທີ່ແທ້ຈິງກໍ່ຄື ເນື່ອງຈາກໃນໄລຍະລະດູຝົນປີນີ້, ຫລາຍແຂວງໃນທົ່ວປະເທດໄດ້ປະສົບກັບໄພນໍ້າຖ້ວມຢ່າງຮ້າຍແຮງ ເຮັດໃຫ້ສູນເສຍຊີວິດ ແລະ ຊັບສິນເປັນຈຳນວນຫລວງຫລາຍ ໂດຍສະເພາະຢູ່ເມືອງສະໜາມໄຊ, ແຂວງອັດຕະປື.

ການແຂ່ງຂັນກິລາຖືວ່າແມ່ນການເຄື່ອນໄຫວກິດຈະກຳປະເພດຫນຶ່ງທີ່ສ້າງຄວາມເບິກບານມ່ວນຊື່ນ ແຕ່ເມື່ອໄພທຳມະຊາດໄດ້ເກີດຂຶ້ນຢ່າງຮ້າຍແຮງແບບນີ້ ຈົນເຮັດໃຫ້ປະຊາຊົນລາວທັງຫລາຍຕ້ອງຕົກຢູ່ໃນຄວາມໂສກເສົ້າ, ບວກກັບຫລາຍແຂວງ ກໍ່ຍັງຂາດງົບປະມານທີ່ພຽງພໍໃນການກະກຽມກິລາ ເຊິ່ງຈະເຮັດໃຫ້ຫລາຍແຂວງ, ເຖີງວ່າຈະສາມາດສົ່ງນັກກິລາເຂົ້າຮ່ວມການແຂ່ງຂັນໄດ້ ແຕ່ກໍ່ອາດເປັນການເຂົ້າຮ່ວມການແຂ່ງຂັນທີ່ບໍ່ເຕັມເມັດເຕັມໜ່ວຍ ຫລື ເຂົ້າຮ່ວມຕາມຂະບວນການ ເທົ່ານັ້ນ.

ເຈົ້າແຂວງ ແຂວງຊຽງຂວາງ ໄດ້ກ່າວຢໍ້າຕື່ມວ່າ: ການທີ່ລັດຖະບານເຫັນດີໃຫ້ເລື່ອນການຈັດງານມະຫາກຳກິລາແຫ່ງຊາດຄັ້ງນີ້ ອອກໄປ ຖືວ່າເປັນການຕັດສິນໃຈທີ່ຖືກຕ້ອງ ແລະ ສອດຄ່ອງກັບຄວາມເປັນຈິງແລ້ວ. ອົງການປົກຄອງແຂວງ ຊຽງຂວາງ ຈຶ່ງເຫັນ ດີນຳ ແລະ ໄດ້ແຈ້ງຂ່າວໃຫ້ປະຊາຊົນພາຍໃນແຂວງ ໄດ້ຮັບຮູ້ແລ້ວ, ຊຶ່ງທຸກຄົນກໍ່ເຫັນດີ ເປັນເອກະພາບນຳເຊັ່ນກັນ ແລະ ເຂົ້າໃຈກ່ຽວກັບສະຖານນະການທີ່ເກີດຂຶ້ນ, ເຖີງແມ່ນວ່າ ປະຊາຊົນ ກໍ່ຄື ຫົວໜ່ວຍທຸລະກິດຈຳນວນໜຶ່ງພາຍໃນແຂວງ ຈະໄດ້ກະກຽມຕ້ອນຮັບຄະນະນຳ ແລະ ນັກກິລາ, ລວມເຖີງນັກທ່ອງທ່ຽວທີ່ຈະເດີນທາງໄປທ່ອງທ່ຽວໃນໂອກາດງານມະຫາກຳກິລາແຫ່ງຊາດ ຄັ້ງທີ XI ນີ້ແລ້ວກໍ່ຕາມ. ຈາກນີ້ໄປ, ແຂວງ ຊຽງຂວາງ ກໍ່ຈະມີເວລາຍາວອອກໄປຕື່ມ ເພື່ອກະກຽມຈັດງານກິລາຄັ້ງນີ້ຢ່າງເຕັມທີ່ ແລະ ຈະເຮັດໃຫ້ການເປັນເຈົ້າພາບໃນຄັ້ງນີ້ ບັນລຸຜົນສຳເລັດຕາມທີ່ຄາດໝາຍໄວ້ທຸກປະການ.
ນີ້ຖືວ່າເປັນຄັ້ງທີ 2 ແລ້ວ ທີ່ມີການເລື່ອນການຈັດງານມະຫາກຳກິລາແຫ່ງຊາດຄັ້ງທີ XI ຢູ່ແຂວງຊຽງຂວາງ, ພາຍຫລັງທີ່ເຄີຍເລື່ອນມາແລ້ວຄັ້ງໜຶ່ງໃນທ້າຍປີ 2017, ເນື່ອງຈາກການກະກຽມພື້ນຖານໂຄງລ່າງ ໂດຍສະເພາະສະໜາມເປີດ-ປິດການແຂ່ງຂັນ ບໍ່ສາມາດກໍ່ສ້າງສຳເລັດແລ້ວທັນ ຕາມເວລາທີ່ໄດ້ກຳນົດໄວ້.


Cr: Laosou kun fung

“ແຈັກ ໝ່າ” ລົ້ມແຜນສ້າງວຽກ 1 ລ້ານຕໍາແໜ່ງໃນ ອາເມຣິກາ

ທ່ານ ແຈັກ ໝ່າ ປະທານຜູບໍລິຫານ ແລະ ຜູ້ກໍ່ຕັ້ງບໍລິສັດອາລີບາບາ ຍັກໃຫຍ່ອີຄອມເມີຣຊຂອງຈີນ ກ່າວວ່າ ອາລີບາບາ ຕັດສິນໃຈຍົກເລີກແຜນສ້າງວຽກເຮັດງານທຳ 1 ລ້ານຕໍາແໜ່ງໃນອາເມຣິກາແລ້ວ ທ່າມກາງຄວາມຂັດແຍ່ງທາງການຄ້າລະຫວ່າງຈີນ ແລະ ອາເມຣິກາ

ເຊິ່ງເມື່ອເດືອນມັງກອນ ປີຜ່ານມາທ່ານ ແຈ໊ກ ໝ່າ ໄດ້ໃຫ້ສັນຍາວ່າຈະສ້າງວຽກເຮັດ 1 ລ້ານຕໍາແໜ່ງໃນອາເມຣິກາ ຂະນະເຂົ້າພົບທ່ານ ໂດນັລ ທຣັມ ໃນຊ່ວງກ່ອນທີ່ທ່ານ ທຣັມຈະເຂົ້າພິທີຮັບຕໍາແໜ່ງປະທານາທິບໍດີສະຫະລັດ

“ຄໍາສັນຍານີ້ເຮັດຂື້ນເທິງພື້ນຖານຂອງຄວາມເປັນຫຸ້ນສ່ວນທີ່ມີມິດຕະພາບລະຫວ່າງຈີນ ແລະ ອາເມຣິກາ ແລະ ເທິງຄວາມສໍາພັນທາງການຄ້າທີ່ມີເຫດຜົນ ໃນເມື່ອພື້ນຖານດັ່ງກ່າວບໍ່ປາກົດອີກຕໍ່ໄປໃນວັນນີ້ ເຮົາຈຶ່ງບໍ່ອາດເຮັດຕາມຄໍາສັນຍາໄດ້” ທ່ານ ໝ່າ ກ່າວ ລະຫວ່າງໃຫ້ສໍາພາດສໍານັກຂ່າວຊິນຫົວຂອງທາງການຈີນໃນວັນພຸດທີ່ 19 ກັນຍາ ຕາມເວລາທ້ອງຖິ່ນ

ຢ່າງໃດກໍ່ຕາມ ທ່ານໝ່າ ຢໍ້າວ່າ ອາລີບາບາຈະເດີນໜ້າສະໜັບສະໜູນການພັດທະນາຄວາມສໍາພັນລະຫວ່າງຈີນ ແລະ ອາເມຣິກາຕໍ່ໄປ ແຕ່ຂໍ້ພິພາດທາງການຄ້າລະຫວ່າງຈີນ ແລະ ອາເມຣິກາ ຈະຍັງຄົງຍືດເຍື້ອຕໍ່ໄປອີກ 20 ປີ ແລະ ຈະສ້າງຄວາມເສຍຫາຍຕໍ່ທຸກຝ່າຍທີ່ກ່ຽວຂ້ອງ

ການເຄື່ອນໄຫວ ແລະ ການສະແດງຄວາມເຫັນດັ່ງກ່າວຂອງຜູ້ບໍລິຫານລະດັບສູງຂອງ ອາລີບາບາ ມີຂື້ນທ່າມກາງການເຮັດສົງຄາມທາງການຄ້າລະຫວ່າງຈີນ ແລະ ອາເມຣິກາ ໂດຍປະທານາທິບໍດີໂດນັລ ທຣັມ ຮຽກເກັບພາສີນໍາເຂົ້າສິນຄ້າຈາກຈີນວົງເງີນ 2 ແສນລ້ານໂດລາໃນອັດຕາ 10% ໃຫ້ມີຜົນບັງຄັບໃຊ້ 24 ກັນຍາ ເປັນຕົ້ນໄປ ຈາກນັ້ນເພີ່ມເປັນ 25% ຕັ້ງແຕ່ຊ່ວງຕົ້ນປີໜ້າ

ຂະນະທີ່ລັດຖະບານຈີນ ຕອບໂຕ້ດ້ວຍການປະກາດຮຽກເກັບພາສາສິນຄ້ານໍາເຂົ້າຈາກອາເມຣິກາໃນອັດຕາພາສີ 5-10% ຄິດເປັນວົງເງີນ 6 ໜື່ນລ້ານໂດລາ ມີຜົນບັງຄັບໃຊ້ 24 ກັນຍາເຊັ່ນກັນ.

ເວົ້າຫຍັັງບໍ່ອອກ ເມື່ອໄດ້ຍີນຂ່າວນີ້!!

ໃນວັນທີ 19/9/2018 ເວລາປະມານ 3:00 ໂມງ ໄດ້ມີເຫດຄົນຂີ້ລັກມາລັກນ້ຳມັນລົດໃຫ່ຍ ຢູ່ທີ່ບ້ານໄຊສົມບຸນ​ ເມືອງໄຊທານີ​ ນະຄອນຫລວງວຽງຈັນ ແຕ່ເຈົ້າຂອງລົດຮູ້ເມື່ອຄີງກ່ອນຈຶ່ງໄດ້ຊ່ວຍກັນຈັບໂຕໄວ້ໄດ້ພ້ອມຂອງກາງເປັນຕຸກນ້ຳມັນ ແລະສາຍຢາງ ຜ່ານການຄົ້ນໂຕ ແລະສອບຖາມຈຶ່ງຮູ້ວ່າຜູ້ກໍ່ເຫດ ເປັນທະຫານ ມີຍົດນາຍຮ້ອຍ! 
cr. ຂ່າວຈາກ:ABC

ສານອ​າ​ຍາສາກົນ ຈະສືບສວນ ການກ່າວຫາ ມີການບັງຄັບ ໃຫ້ຊາວໂຣຮິງຢາ ອອກຈາກ ມຽນມາ

ຫົວໜ້າໄອຍະການຂອງສານອ​າ​ຍາສາກົນ ຫລື ICC ຢູ່ນະຄອນເຮກ ປະກາດ ໃນ
ວັນອັງຄານວານນີ້ວ່າ ທ່ານນາງຈະດໍາເນີນການສືບສວນ ຕໍ່ການກ່າວຫາທີ່ວ່າ ມີ
ການເນ​ລະ​ເທດ​ແບບບັງຄັບ ໃຫ້ຊາວມຸສລິມໂຣຮິງຢາຫຼາຍແສນຄົນອອກຈາກປະ
ເທດໄປຢູ່ໃນບັງກລາແດັສນັ້ນ.

ທ່ານນາງຟາຕູ ເບັນຊູດາ (Fatou Bensouda) ກ່າວຢູ່ໃນຖະແຫລງການສະບັບນຶ່ງ
ວ່າ "ການກວດກາຂັ້ນຕົ້ນ ອາດຈະຕ້ອງໄດ້ມີການກວດເບິ່ງ ການກະທໍາ ທີ່ເປັນການ
ບັງຄັບ ທີ່ຢູ່ໃນການກ່າວຫາ ທີ່ພາໃຫ້ມີການຫລົບໜີຂອງຊາວໂຣຮິງ ຢາຊຶ່ງລວມ
ທັງການບໍ່ໃຫ້ມີສິດພື້ນຖານ, ການເຂັ່ນຂ້າ, ການ​ໃຊ້​ຄວາມ​ຮຸນ​ແຮງທາງ​ເພດ, ການ
ຫາຍສາບສູນແບບຖືກບັງຄັບ, ການທໍາລາຍລ້າງຜານ ແລະ ການປຸ້ນສະດົມ.”

ທະຫານຂອງມຽນມາທີ່ຖືສາສະໜາພຸດ ໄດ້ຖືກກ່າວຫາວ່າ ທໍາການປຸກລະດົມ ໃຫ້
ດັບສູນເຊື້ອຊາດຊາວໂຣຮິງຢາ ທີ່ເປັນຊົນຊາດສ່ວນນ້ອຍນັ້ນ ​ດ້ວຍ​ການຈູດເຜົາ
ບ້ານເຮືອນ, ແລະທໍາການຂົ່ມຂືນ, ທໍລະມານ ແລະຄາດຕະກໍາຕໍ່ເຂົາເຈົ້າ.

ຄາດຄະເນວ່າ ມີຊາວໂຣຮິງຢາ ຫລາຍກວ່າ 700,000 ຄົນພາກັນຫຼົບໜີອອກຈາກ
ປະເທດໄປຢູ່ບັງກລາແດັສທີ່ເປັນປະເທດເພື່ອບ້ານນັ້ນ ນັບແຕ່ເດືອນສິງຫາປີກາຍນີ້.

ເຖິງແມ່ນວ່າ ມຽນມາຈະບໍ່ແມ່ນສະມາຊິກຂອງ ICC ກໍຕາມ ສານດ່ັງກ່າວກໍມີອໍານາດ
ທາງຕຸລາການທີ່ຈະດໍາເນີນຄະດີຕໍ່ປະເທດນັ້ນໄດ້ເພາະວ່າການກໍ່ອາຊະຍາກໍາດັ່ງກ່າວ ມີສ່ວນກ່ຽວພັນກັບບັງກລາແດັສ ທີ່ເປັນສະມາຊິກຂອງສານ ນັ້ນ, ອີງຕາມຄຳ​ເວົ້າ
​ຂອງທ່ານນາງເບັນຊູດາ.

ສານ ICC ​ຊຶ່ງແມ່ນສານສາກົນ ໄດ້ຍື່ນມືເຂົ້າໄປໃນເມື່ອບັນດາເຈົ້າໜ້າທີ່ຂອງປະເທດ
ດັ່ງ​ກ່າວ ບໍ່ຍິນດີທີ່ຈະດໍາເນີນຄະດີ​ການ​ກໍ່ຊະຍາກໍາທີ່ຖືກກ່າວຫານັ້ນ.

ທ່ານ ປູ​ຕິນ ກ່າວ​ວ່າ ການ​ຍິງ​ເຮືອ​ບິນ ຂອງ ຣັດ​ເຊຍ ຕົກແມ່ນ “ກໍລະນີຕ່ອງໂສ້ ຂອງ ອຸບັດຕິເຫດ”

ປະ​ທາ​ນາ​ທິ​ບໍ​ດີ ຣັດ​ເຊຍ ທ່ານ ວ​ລາ​ດິ​ເມຍ ປູ​ຕິນ ໄດ້​ເອີ້ນ​ການ​ຍິງ​ເຮືອ​ບິນກອງ​ທັບ
ຣັດເຊຍ ຕົກໂດຍ ຊີເຣຍ ນັ້ນວ່າ “ແມ່ນກໍລະນີຕ່ອງໂສ້ຂອງອຸບັດຕິເຫດ,” ເຊິ່ງເປັນ
ການກ່າວຫຼຸດລະດັບຄວາມຮຸນແຮງ ໃນສິ່ງທີ່ອາດ ກາຍເປັນສະພາບຄວາມເຄັ່ງຕຶງ
ກັບອິສຣາແອລ ນັ້ນ.

15 ຄົນ​ ຢູ່​ເທິງ​ເຮືອ​ບິນສອດ​ແນມຂອງ ຣັດ​ເຊຍ ໄດ້​ເສຍ​ຊີ​ວິດ ໃນ​ເວ​ລາ​ທີ່ ຊີ​ເຣຍ ໄດ້​
ຍິງມັນຕົກ, ເຊິ່ງເປັນການຕອບໂຕ້ຕໍ່ການໂຈມຕີທາງອາກາດຂອງ ອິສຣາແອລ.

ລັດ​ຖະ​ມົນ​ຕີ​ປ້ອງ​ກັນ​ປະ​ເທດ ຣັດ​ເຊຍ ທ່ານ ເຊີ​ເກ ຊອຍ​ກູ (Sergei Shoigu) ໄດ້​
ກ່າວຕໍ່ຄູ່ຮ່ວມຕຳແໜ່ງຂອງທ່ານຈາກ ອິສຣາແອລ ທ່ານ ອາວິກດໍ ລີເບີແມັນ
(Avigdor Lieberman) ວ່າ ອິສຣາແອລ “ເປັນຜູ້ຮັບຜິດຊອບທັງໝົດ” ແລະ ຣັດ
ເຊຍ ມີສິດທີ່ຈະແກ້ແຄ້ນ.

ແຕ່​ທ່ານ ປູ​ຕິນ ໄດ້ກ້າວ​ເຂົ້າ​ມາ​, ໂດຍ​ເອີ້ນ​ມັນ​ວ່າ “ເປັນ​ກໍ​ລະ​ນີ​ຕ່ອງ​ໂສ້​ຂອງ​ອຸ​ບັດ​ຕິ​
ເຫດທີ່ໜ້າເສົ້າສະຫຼົດໃຈ.” ທ່ານໄດ້ກ່າວວ່າ ຣັດເຊຍ ຈະຕອບໂຕ້ດ້ວຍ “ການເອົາບາດ
ກ້າວເພີ່ມເຕີມ ເພື່ອປົກປ້ອງທະຫານຂອງພວກເຮົາ ແລະ ອຸປະກອນຕ່າງໆໃນ ຊີເຣຍ.”
ທ່ານໄດ້ກ່າວວ່າ “ທຸກຄົນຈະຮັບຮູ້” ບາດກ້າວເຫລົ່ານັ້ນ.

ນາ​ຍົກ​ລັດ​ຖະ​ມົນ​ຕີ ອິ​ສ​ຣາ​ແອ​ລ ທ່ານ ເບັນ​ຈາ​ມິນ ເນ​ຕັນ​ຢາ​ຮູ ໄດ້​ສະ​ແດງ​ຄວາມ​ເສຍ​
ໃຈຕໍ່ການສູນເສຍຊີວິດຂອງຊາວ ຣັດເຊຍ ແລະ ໄດ້ຖິ້ມໂທດໃສ່ ຊີເຣຍ ສຳລັບເຫດ
ການທີ່ວ່ານັ້ນ.

ກອງ​ທັບ ອິ​ສ​ຣາ​ແອ​ລ ໄດ້​ກ່າວ​ວ່າ ເຮືອ​ບິນ​ຮົບ​ຂອງ​ເຂົາ​ເຈົ້າ​ໄດ້​ແນ​ເປົ້າ​ໃສ່ອາ​ຄານ​ຂອງ
ກອງທັບ ຊີເຣຍ ທີ່ສະໜອງອາວຸດໃຫ້ກຸ່ມກໍ່ການຮ້າຍ ເຮັສບອລລາ ທີ່ໄດ້ຮັບການໜູນ
ຫຼັງຈາກ ອີຣ່ານ.

ອິ​ສ​ຣາ​ແອ​ລ ໄດ້​ກ່າວ​ວ່າ ເຂົາ​ເຈົ້າ​ໄດ້ແຈ້ງ​ໃຫ້ ຣັດ​ເຊຍ ​ຊາບກ່ຽວ​ກັບ ການ​ໂຈມ​ຕີ​ທາງ​
ອາກາດລ່ວງໜ້າແລ້ວ, ແລະ ເຮືອບິນຮົບຂອງເຂົາເຈົ້າແມ່ນໄດ້ເດີນທາງກັບສູ່ນ່ານຟ້າ
ຂອງ ອິສຣາແອລ ແລ້ວ ໃນເວລາທີ່ ຊີເຣຍ ໄດ້ຍິງລູກສອນໄຟຂອງເຂົາເຈົ້ານັ້ນ.

ກະ​ຊວງ​ປ້ອງ​ກັນ​ປະ​ເທດ ຣັດ​ເຊຍ ໄດ້​ກ່າວ​ວ່າ ການ​ເຕືອນ​ຂອງ ອິ​ສ​ຣາ​ແອ​ລ ໄດ້​ມີ​ຂຶ້ນ
ບໍ່ເຖິງນຶ່ງນາທີ ກ່ອນການໂຈມຕີທາງອາກາດນັ້ນ. ເຂົາເຈົ້າໄດ້ກ່າວຫາ ອິສຣາແອລ
ກ່ຽວກັບ ການໃຊ້ເຮືອບິນ ຣັດເຊຍ ເປັນເຄື່ອງບັງເພື່ອຫຼີກລ່ຽງລະ ບົບປ້ອງກັນທາງອາ
ກາດຂອງ ຊີເຣຍ.

ເມືອງ ຄວິນສແລນ ພວມຮັບມື ກັບບັນຫາ ໂຣຄາພະຍາດ ແລະຄວາມຕາຍ ທີ່ເນື່ອງມາຈາກ ດິນຟ້າອາກາດ ປ່ຽນແປງ

ອຳນາດປົກຄອງລັດຄວີນສແລນ (Queensland) ໃນອອສເຕຣເລຍ ມີກຳນົດວ່າ ຈະໃຫ້ທຶນໂຄງການໃໝ່ ເພື່ອຊ່ອຍເຫຼືອຕໍ່ສູ້ ກັບຄື້ນຄວາມຮ້ອນທີ່ຮ້າຍແຮງເຖິງ
ຕາຍ ແລະການແຜ່ລະບາດຂອງພະຍາດ ທີ່ເປັນຍ້ອນ ການປ່ຽນແປງຂອງດິນຟ້າ
ອາກາດ. ນອກນັ້ນ ພວກເຈົ້າໜ້າທີ່ ຍັງໄດ້ກ່າວວ່າ ພວມມີການສົນທະນາກັນ ວ່າຈະວາງອັດຕາພາສີໃສ່ຢາສູບ ເພື່ອຕໍ່ຕ້ານພວກສ້າງຄວັນພິດຄາບອນນຳ. ການເຄື່ອນໄຫວດັ່ງກ່າວ ໄດ້ມີຂຶ້ນ ນຶ່ງອາທິດ ລຸນຫຼັງທ່ານເລຂາທິການໃຫຍ່ສະຫະ
ປະຊາຊາດ ໄດ້ເຕືອນວ່າ ຖ້າໂລກເຮົາບໍ່ເອົາຈິງເອົາຈັງພາຍໃນປີ 2020 ມັນກໍຈະມີ
ການສ່ຽງ ຕໍ່ການ “ຜ່າຍແພ້ທາງດ້ານການປ່ຽນແປງ” ຂອງດິນຟ້າອາກາດ. ຟຽລ ເມີ
ເຊີ (Phil Mercer) ສົ່ງລາຍງານເລື້ອງນີ້ ມາຈາກນະຄອນ ຊິດນີ ດັ່ງສາລີຈະນຳລາຍລະອຽດມາສະເໜີທ່ານໃນອັນດັບຕໍ່ໄປ.

ແຜນການທີ່ຈະຮັບມືກັບພະຍາດທີ່ພົວພັນກັບດິນຟ້າອາກາດ ແບບເປັນຕາຍ ທີ່ເນື່ອງມາຈາກຄື້ນຂອງຄວາມຮ້ອນ ແມ່ນພາກສ່ວນນຶ່ງ ຂອງຄວາມພະຍາຍາມ
ຂອງ ອຳນາດປົກຄອງລັດຄວີນສແລນ​ ເພື່ອຫຼຸດຜ່ອນ ທາດຄາບອນ ລົງສູ່ລະດັບ
ສູນ ພາຍໃນປີ 2050.

ຍຸດທະສາດດັ່ງກ່າວ ຊຸກຍູ້ໃຫ້ພວກເຈົ້າໜ້າທີ່ທັງຫຼາຍ ລວມທັງພວກບໍລິຫານນຳ ໃຫ້ພິຈາລະນາເບິ່ງຜົນກະທົບຕໍ່ສຸຂະພາບນຳ ເວລາຊັ່ງຊາຕີລາຄາເບິ່ງໂຄງການ ບໍ່ແຮ່ແລະຈຳພວກພະລັງງານທັງຫຼາຍ. ນອກນນັ້ນ ມັນຍັງໄດ້ສົ່ງເສີມໃຫ້ລັດຖະ
ບານ ຫ້າມໃຫ້ທຶນຊ່ອຍເຫຼືອເກຶື້ອໜູນ ແກ່ກິດຈະກຳໃດໆ ທີ່ເປັນໄພຕໍ່ສຸຂະພາບແລະຄວາມບໍ່ທຸ່ນທ່ຽງຂອງດິນຟ້າອາກາດນຳ.”

ໄດ້ມີການພົບເຫັນວ່າ ຄວາມຮ້ອນ ພາໃຫ້ເກີດຄວາມກະວົນກະວາຍ ໃນໝູ່ພວກເດັກນ້ອຍແລະພວກຜູ້ເຖົ້າ ຊຶ່ງສ້າງຄວາມເປັນຫ່ວງຢ່າງໃຫຍ່່ຫຼວງ
ໃນອະນາຄົດ.

ຄື້ນຂອງຄວາມຮ້ອນ ແມ່ນເປັນໄພຂົົ່ມຂູ່ທຳມະຊາດອັນໃຫຍ່ທີ່ສຸດ ຂອງອັອສ
ເຕຣເລຍ ທີ່ໄດ້ເອົາຊີວິດຜູ້ຄົນໄປຫຼາຍກວ່າໄພແຫ້ງແລ້ງ ໄພນໍ້າຖ້ວມ ແລະໄຟໄໝ້ປ່າໂຮມເຂົ້າກັນ.

ຄວາມຢ້ານກົວແນວອື່ນໆ ຕໍ່ສຸຂະພາບ ອັນເນື່ອງມາຈາກດິນຟ້າອາກາດ ກໍຄື “ຄວາມໝັ້ນຄົງທາງດ້ານອາຫານການກິນແລະນໍ້າ ເລື້ອງການຂາດແຄນອາຫານ ຄວາມເຈັບປ່ວຍທາງດ້ານການຫາຍໃຈແລະໂຣກຫົວໃຈ..”

ນາງຟີໂອນາ ອາມສຕຣອງ (Fiona Armstrong) ຫົວໜ້າສະຫະພັນດິນຟ້າອາກາດແລະສຸຂະພາບ ຊຶ່ງຊ່ອຍເຫຼືອວາງແຜນການດັ່ງ
ກ່າວເວົ້າວ່າ ​ສະພາບການທີ່ຮ້າຍແຮງອາດສາມາດເອົາຊີວິດເຮົາໄດ້ ຊຶ່ງຜູ້ກ່ຽວ
ເວົ້າວ່າ:

Armstrong Act. You only need to look … ທ່ານພຽງແຕ່ເບິ່ງຕົວຢ່າງຂອງໂຣກຫືດຟ້າຮ້ອງ ໃນນະຄອນ ແມນເບີນ ເມື່ອສອງ
ສາມປີນີ້ກໍພໍ ເພື່ອຢາກຮູ້ວ່າ ເຫດການດັ່ງກ່າວນີ້ ເຖິງແມ່ນວ່າ ມັນຈະຄາດຄະເນໄດ້ລ່ວງໜ້າກໍຕາມ ແຕ່ມັນກໍສາມາດເຮັດໃຫ້ປະຊາຄົມຫຼືພວກຜູ້ຄົນສ່ວນໃດສ່ວນນຶ່ງຕື່ນຕົກໃຈໄດ້.

ໂຣກຫືດຟ້າຮ້ອງ ອາດພາໃຫ້ເກີດຄວາມປັ່ນປ່ວນ ເວລາພາຍຸມາລົບກວນເກ
ສອນດອກໄມ້ ຊຶ່ງອາດສ້າງບັນຫາການຫາຍໃຈ ອາດຕາຍຍ້ອນກໍເປັນໄດ້.

ນອກຈາກນັ້ນແລ້ວແຜນການ ຄວີນສແລນ ຍັງໄດ້ບົ່ງບອກວ່າ ມີການສ່ຽງຕໍ່ການເປັນໂຣກປະສາດຫຼາຍຂຶ້ນນຳ ໃນຈຳພວກທີ່ຖືກກະທົບໂດຍໄພແຫ້ງແລ້ງຢູ່ທາງພາກຕາເວັນອອກຂອງ ອັອສ
ເຕຣເລຍ ຫຼາຍພາກສ່ວນ ລວມທັງຫຼາຍບ່ອນໃນຄວີນສແລນ ແລະໃນ ລັດນິວ
ຊາວຕ໌ເວນ(New South Wales) ທັງໝົດ.

ທ່ານ ຊິດ ແພລນຕ໌ (Sid Plant)ເວົ້າວ່າ ພວກເຈົ້າໜ້າທີ່ຣັດຖະບານ ບໍ່ໄດ້ເຮັດ
ຫຍັງພໍ.

Plant Act. Politicians do not … ປາກົດວ່າ ພວກນັກການເມືອງບໍ່ຢາກຮັບຮູ້ ການປ່ຽນແປງຂອງດິນຟ້າອາກາດ ວ່າມີສ່ວນກະທົບກະເທືອນຕໍ່ຊາວກະສິກອນ
ອອສເຕຣເລຍ. ພວກເຮົາກໍໄດ້ຮັບຄວາມເຈັບປວດ ບໍ່ຕ່າງຫຍັງກັນກັບຄົນອື່ນໆຢູ່
ໃນໂລກ. ດຽວນີ້ພວກເຮົາ ບໍ່ໄດ້ຢູ່ໃນດິນຟ້າອາກາດແບບດຽວກັນກັບໃນສະໄໝ
20 ຫຼື 50 ປີກ່ອນ.

ພວກພະຍາກອນອາກາດພາກັນກ່າວວ່າ ທາງພາກຕາເວັນອອກສຽງໃຕ້ຂອງ
ອັອສເຕຣເລຍ ອາດສາມາດຄາດຄະເນໄດ້ວ່າ ອາກາດຈະຮ້ອນອົບເອົ້າຜິດປົກກະຕິ ທັງສະພາບແຫ້ງແລ້ງກໍຈະມີຫຼາຍຂຶ້ນໃນອີກຫຼາຍໆເດືອນຂ້າງໜ້ານີ້.

ຊາວອັອສເຕຣເລຍບາງຄົນພາກັນມີຄວາມສົງໄສ ກ່ຽວກັບອິດທິພົນຂອງມະນຸດຕໍ່ດິນຟ້າອາກາດ ໂດຍຢືນຢັດວ່າ ການປ່ຽນແປງ ມັນເປັນເລື້ອງຂອງການໝູນ ວຽນຂອງທຳມະຊາດຊື່ໆ. ຢ່າງໃດກໍດີ ນັ້ນກໍແມ່ນ
ເປັນພຽງ ທັດສະນະຂອງຄົນສ່ວນນ້ອຍເທົ່ານັ້ນ.

ດວງການເງິນ ໂຊກລາບປະຈຳເດືອນກັນຍາ 2018 ທັງ 12 ຣາສີ

ເດືອນນີ້ດວງການເງິນໃຜຈະໂຊກດີ ຫຼື ໃຜຈະຕິດຂັດ ຟ້າວມາກວດເບິ່ງດ່ວນ ດວງການເງິນທັງ 12 ຣາສີ Diary Lao ມີຄຳຕອບ

ຄົນເກີດຣາສີເມກ ລະຫວ່າງວັນທີ 13 ເມສາ ຫາ 14 ພຶດສະພາ
ການເງິນ: ໃນເດືອນນີ້ທ່ານອາດເກີດຄວາມຮ້ອນໃຈໃນການເງິນເລັກນ້ອຍ ແຕ່ຫາກເກີດບັນຫາກໍ່ຈະໄດ້ຮັບການແກ້ໄຂ ຂໍໃຫ້ທ່ານລໍເວລາ ເລື່ອງເງິນທີ່ທ່ານຄາດຫວັງໄວ້ກໍ່ຈະໄດ້ຕາມທີ່ຫວັງ
ຄວາມໂຊກດີ: ທ່ານຕ້ອງພົບກັບອຸປະສັກກ່ອນ ໂຊກຈິ່ງມານຳຫຼັງ ຫາກທ່ານຄິດຈະສ່ຽງໂຊກແມ່ນໃຫ້ທ່ານຊື້ຫວຍກັບຄົນຂາຍທີ່ເປັນພິການ ທ່ານຈິ່ງມີໂຊກ.

ຄົນເກີດຣາສີພຶກ ລະຫວ່າງວັນທີ 14 ພຶດສະພາ ຫາ 13 ມິຖຸນາ
ການງານ: ສຳລັບຜູ້ທີ່ຕ້ອງການກູ້ເງິນກໍ່ຈະໄດ້ຮັບການອະນຸມັດເງິນກູ້ແບບງ່າຍໆ ແຕ່ຂໍໃຫ້ທ່ານໃຊ້ເງິນນັ້ນຢ່າງສົມເຫດສົມຜົນ
ຄວາມໂຊກດີ: ການເຈລະຈາຕ່າງໆໃນຊ່ວງນີ້ຈະສຳເລັດໄດ້ງ່າຍ ຫາກທ່ານຄິດຈະສ່ຽງໂຊກໃນເດືອນນີ້ກໍ່ພໍໄດ້ຢູ່

ຄົນເກີດຣາສີເມຖຸນ ລະຫວ່າງວັນທີ 14 ມິຖຸນາ ຫາ 14 ກໍລະກົດ
ການເງິນ: ມີງານດີເງິນກໍ່ດີຕາມ ຍັງມີເງິນໝູນວຽນໃຫ້ໃຊ້ຈ່າຍຢູ່ເລື່ອຍໆ
ຄວາມໂຊກດີ: ທ່ານຈະໄດ້ເຂົ້າໄປພົວພັນກັບຄົນທີ່ຢູ່ໃນວົງການທຸລະກິດ ແລະ ທ່ານຈະໄດ້ຮຽນຮູ້ປະສົບການໃໝ່ໆ ຫາກທ່ານຄິດຈະສ່ຽງໂຊກຂໍໃຫ້ທ່ານຊື້ນຳຄົນຂາຍທີ່ແຕ່ງຕົວໃນລັກສະນະຈົບດີ

ຄົນເກີດຣາສີກໍລະກົດ ລະຫວ່າງວັນທີ 15 ກໍລະກົດ ຫາ 16 ສິງຫາ 
ການເງິນ: ເງິນທີ່ໄດ້ມາຕ້ອງປັນກັບຫຸ້ນສ່ວນ ທ່ານອາດຈະບໍ່ໄດ້ເຕັມຮ້ອຍຢ່າງທີ່ຫວັງໄວ້
ຄວາມໂຊກດີ: ທ່ານຈະມີໂຊກລາບເລື່ອງການເງິນຈາກການເດີນທາງ

ຄົນເກີດຣາສີສິງ ລະຫວ່າງວັນທີ 17 ສິງຫາ ຫາ 16 ກັນຍາ  
ການເງິນ: ທ່ານຈະມັກກັງວົນໃຈເລື່ອງການເງິນ ເດືອນນີ້ແຫຼະທ່ານຈະໄດ້ຮູ້ວ່າໃຜເປັນມິດແທ້ ຫຼື ໃຜຈະເປັນມິດປອມກັບທ່ານ
ຄວາມໂຊກດີ: ທ່ານຈະໄດ້ຮັບສິ່ງຂອງໃໝ່ໆທີ່ທ່ານຢາກໄດ້ ຫາກທ່ານຄິດຈະສ່ຽງໂຊກແມ່ນໃຫ້ຊື້ກັບຄົນພິການ ໂດຍສະເພາະຖ້າເປັນຄົນພິການທາງສາຍຕາ ມັກຈະໃຫ້ໂຊກກັບທ່ານ

ຄົນເກີດຣາສີກັນ ລະຫວ່າງວັນທີ 17 ກັນຍາ ຫາ 16 ຕຸລາ  

ການເງິນ: ເລື່ອງເງິນຕ້ອງຕົນເພິ່ງຕົນເທົ່ານັ້ນ ທ່ານະຫວັງອາໃສໃຜກໍ່ບໍ່ໄດ້ 
ຄວາມໂຊກດີ: ມີງານຄືມີເງິນເຮັດຫຼາຍກໍ່ໄດ້ຫຼາຍເຮັດໜ້ອຍກໍ່ໄດ້ໜ້ອຍ   

ຄົນເກີດຣາສີຕຸນ ລະຫວ່າງວັນທີ 17 ຕຸລາ ຫາ 15 ພະຈິກ
ການເງິນ: ທ່ານກຳລັງເບິ່ງເຫັນຈຸດເລີ່ມຕົ້ນໃໝ່ໃນການຫາເງິນແລ້ວ
ຄວາມໂຊກດີ: ໂຊກດີຂອງທ່ານຈະມາພ້ອມກັບຊາວຕ່າງຊາດຕ່າງພາສາ

ຄົນເກີດຣາສີພິຈິກ ລະຫວ່າງວັນທີ 16 ພະຈິກ ຫາ 15 ທັນວາ
ການເງິນ: ການເງິນຈະດີຂຶ້ນ ຈະມີລາຍຮັບລາຍຈ່າຍທີ່ສົມດຸນກັນ ແລະ ທ່ານຈະມີຊ່ອງທາງໃນການຫາເງິນເພີ່ມ
ຄວາມໂຊກດີ: ການເງິນຖືວ່າຢູ່ໃນເກມທີ່ດີ ຈະມີໂອກາດໄດ້ໂຊກລາບຈາກການສ່ຽງໂຊກ

ຄົນເກີດຣາສີທະນູ ລະຫວ່າງວັນທີ 16 ທັນວາ ຫາ 15 ມັງກອນ
ການເງິນ: ເງິນຈະມາກັບງານທີ່ທ່ານເຮັດ ຫາກທ່ານເຮັດວຽກທີ່ໄດ້ເງິນດີທ່ານກໍ່ມີເງິນໃຊ້ບໍ່ຂາດມື
ຄວາມໂຊກດີ: ຊ່ວງນີ້ບໍ່ວ່າທ່ານຈະຫັນໄປທາງໃດທ່ານກໍ່ຈະໂຊກດີໃນທຸກດ້ານ

ຄົນເກີດຣາສີກຸມ ລະຫວ່າງວັນທີ 13 ກຸມພາ ຫາ 13 ມີນາ
ການເງິນ: ເດືອນນີ້ເປັນເດືອນທີ່ເໝາະສົມໃນການແກ້ໄຂບັນຫາຕ່າງໆ ໂດຍສະເພາະທາງດ້ານການເງິນ
ຄວາມໂຊກດີ: ໂຊກຂອງທ່ານຈະມາຈາກການເຈລະຈາເປັນສ່ວນໃຫຍ່

ຄົນເກີດຣາສີມິນ ລະຫວ່າງວັນທີ 14 ມີນາ ຫາ 12 ເມສາ
ການເງິນ: ການເງິນທ່ານຈະມີຄວາມໝັັ້ນຄົງຂຶ້ນກວ່າໄລຍະຜ່ານມາ ເພາະເປັນຊ່ວງນ້ຳຂຶນຂອງທ່ານແລ້ວ
ຄວາມໂຊກດີ: ຫາກທ່ານຕ້ອງການສ່ຽງໂຊກໃຫ້ລອງຊື້ເລກທີ່ເຮືອນລອງເບິ່ງ



Cr:  diary lao

ສາວໃສ່ຂາທຽມຜ່ານເຂົ້າຮອບ 3 ຄົນສຸດທ້າຍຊິງຕຳແໜ່ງ ມິສອິຕາລີ 2018

ໃນການປະກວດມິສອິຕາລີ ປະຈຳປີ 2018 ເມື່ອວັນທີ 18 ກັນຍາ 2018 ນາງ ເຊຍຣາ ບໍດີ ສາວງາມຈາກແຂວງ ຕາຣ໌ກຸຍເນີຍ ໄວອາຍຸ 18 ປີ ເຊິ່ງນາງເປັນພິການຂາຂ້າງຊາຍໃສ່ຂາທຽມ ສາມາດຜ່ານເຂົ້າຮອບ 3 ຄົນສຸດທ້າຍ ແລະ ສາມາດລົບຄຳສົບປະໝາດຫຼັງທີ່ກ່ອນໜ້ານີ້ນາງຖືກຊາວເນັດວິຈານ ແລະ ຖືກດູໝິ່ນໃນໂລກໂຊຊຽວ ຕັ້ງແຕ່ກ່ອນຂຶ້ນເວທີປະກວດໃນຄັ້ງນີ້

ຫຼັງຈາກຖືກະແສວິພາກວິຈານກ່າວຫາວ່າທີ່ເຂົ້າຮອບມາປະກວດໄດ້ ພຽງເພາະນາງເປັນຄົນທີ່ຮ່າງກາຍບໍ່ສົມບູນ ແຕ່ເຊຍຣາກໍ່ໄດ້ໂພສຂໍ້ຄວາມຕອບກັບເທິງເຟສບຸ໊ກຂອງນາງວ່າ "ຂ້ອຍເສຍຂາແຕ່ພວກເຈົ້າເສຍຫົວໃຈ ແລະ ສະໝອງ ແລະ ຂ້ອຍບໍ່ໄດ້ສົນເລື່ອງການຊະນະ ຫຼື ບໍ່ ແຕ່ຕ້ອງການສະແດງໃຫ້ທັງໂລກເຫັນວ່າຊີວິດຍັງຄົງສວຍງາມເຖິງຈະເກີດມາແບບນີ້'

ທັງນີ້ ນາງສາວ ເຊຍຣາ ບໍດີ ເສຍຂາຊ້າຍໃນລະດັບຫົວເຂົ່າລົງໄປຍ້ອນອຸບັດຕິເຫດລົດຕຳ ໃນຕອນທີ່ນາງອາຍຸ 13 ປີ ຈິ່ງຕ້ອງໄດ້ໃສ່ຂາທຽມ,




Cr: Diary Lao

ກະຊວງການເງິນປະຕິບັດວິໃນ ພະນັກງານສໍ້ລາດບັງຫຼວງອອກ 8 ຄົນ ,ລຶບອອກຈາກການເປັນພະນັກງານຖາວອນ!!

Cr: Support Prime Minister Thongloun Sisoulith

ສານອາຍາໂລກ ເລີ່ມຕົ້ນສອບສວນ ກອງທັບມຽນມາ ໃນຂໍ້ຫາ “ກໍ່ອາດຊະຍາກອນຕໍ່ມະນຸດ”

ສໍານັກຂ່າວຕ່າງປະເທດລາຍງານຈາກນະຄອນເຮກ ປະເທດເນເທີແລນ ເມື່ອວັນທີ່ 19 ກັນຍາ ວ່າສານອາຍາລະຫວ່າງປະເທດ (ໄອຊີຊີ) ເຊິ່ງມີສໍານັກງານໃຫຍ່ຕັ້ງຢູ່ນະຄອນເຮກ ອອກຖະແຫຼງການເມື່ອວັນອັງຄານ ເລີ່ມດໍາເນີນການກວດສອບ “ໃນເບື້ອງຕົ້ນ” ຕໍ່ຂໍ້ຫາທີ່ວ່າກອງທັບມຽນມາກໍ່ອາດຊະຍາກໍາ “ຢ່າງຮ້າຍແຮງ” ຕໍ່ຊາວໂຣຮີນຈາໃນລັດຢະໄຂ່ ດ້ວຍວິທີການທີ່ລວມເຖິງການຂ້າ ການໃຊ້ຄວາມຮຸນແຮງທາງເພດ ແລະ ການບັງຄັບໃຫ້ໜີອອກຈາກຖິ່ນຖານ ເຊິ່ງລ້ວນແຕ່ເປັນການລະເມີດສິດທິມະນຸດຊະຍະຊົນຂັ້ນຮ້າຍແຮງ ໂດຍມີການລະບຸອີກວ່າ ແມ່ນວ່າມຽນມາບໍ່ໄດ້ເປັນລັດພາຄີ ແລະບໍ່ໄດ້ລົງນາມໃນນະຄອນໂຣມ ເຊິ່ງເປັນສົນທິສັນຍາລະດັບພາຫຸພາຄີໃນການກໍ່ຕັ້ງໄອຊີຊີເມື່ອປີ 2002 ແຕ່ຂໍ້ມູນທັງໝົດທີ່ໄອຊີຊີໄດ້ຮັບນັ້ນພຽງພໍທີ່ຈະເລີ່ມດໍາເນີນການ

ຄວາມເຄື່ອນໄຫວດັ່ງກ່າວຂອງໄອຊີຊີເກີດຂື້ນພາຍໃນໄລຍະເວລາບໍ່ເຖິງ 2 ອາທິດ ຫຼັງສານຍຸດຕິທໍາແຫ່ງນີ້ປະກາດຈຸດຢືນຂອງຕົນເອງວ່າ ເປັນສະຖາບັນກົດໝາຍລະຫວ່າງປະເທດທີ່ມີຂອບເຂດອໍານາດພິຈາລະນາທີ່ວ່າ ກອງທັບມຽນມາອາດຈະກະທໍາຜິດໃນຂໍ້ຫາ “ອາດຊະຍາກອນຕໍ່ມະນຸດຊະຍະຊາດ” ຈາກສະຖານະການຄວາມບໍ່ສະຫງົບໃນລັດຢະໄຂ່ ເຊິ່ງສົ່ງຜົນໃຫ້ຊາວໂຣຮີນຈາຫຼາຍກວ່າ 700,000 ຄົນ ຫຼັ່ງໄຫລອົບພະຍົບຂ້າມແດນໄປຍັງບັງກາລາເທດ ຕັ້ງແຕ່ເດືອນສິງຫາ ປີຜ່ານມາ ຢ່າງໃດກໍ່ຕາມ ການດໍາເນີນການດັ່ງກ່າວຍັງບໍ່ໄດ້ໝາຍຄວາມວ່າ ຈະມີການຕັ້ງຂໍ້ຫາກັບບຸກຄົນໃດຫຼືບໍ່

ໃນເວລາດຽວກັນ ຄະນະມົນຕີສິດທິມະນຸດຊະຍະຊົນແຫ່ງສະຫະປະຊາຊາດ (ຢູເອັນເອຊອາຣຊີ) ອອກລາຍງານສະບັບເຕັມຄວາມຍາວ 432 ໜ້າເປັນ “ການກວດສອບຄົ້ນຫາຄວາມຈິງ” ກ່ຽວກັບສະຖານະການໃນລັດຢະໄຂ່ ຫຼັງເຜີຍເນື້ອຫາສ່ວນໜຶ່ງເມື່ອທ້າຍເດືອນສິງຫາ ທີ່ຜ່ານມາ ໂດຍສາລະສໍາຄັນຂອງລາຍງານສະບັບສົມບູນຍັງຄົງກ່າວຫາກອງທັບມຽນມາ ແລະ ທະຫານລະດັບສູງ 6 ຄົນ ນໍາໂດຍພົນເອກ ມິນ ອ່ອງ ຫລ່າຍ ຜູ້ບັນຊາການທະຫານສູງສຸດ ມີຄວາມກ່ຽວຂ້ອງໂດຍກົງກັບການລະເມີດສິດທິມະນຸດຊະຍະຊົນຮ້າຍແຮງຕໍ່ພົນລະເມືອງໃນປະເທດ ທີ່ບໍ່ພຽງແຕ່ລັດຢະໄຂ່ ແຕ່ຍັງລວມເຖິງລັດສານ ແລະ ລັດກະສິ່ນ ແລະ ຄວນມີການດໍາເນີນຄະດີຂ້າລ້າງເຜົ່າພັນກັບທະຫານກຸ່ມນີ້

ນອກຈາກນີ້ ໃນລາຍງານຍັງມີຄໍາກ່າວຂອງ ທ່ານ ມາຣຊູກີ ດາຣຸສມັນ ຫົວໜ້າຄະນະເຮັດວຽກຂອງຢູເອັນເອຊອາຣຊີເລື່ອງມຽນມາ ວິຈານຂະບວນການປະຕິຮູບການເມືອງສູ່ການເປັນປະຊາທິປະໄຕຂອງມຽນມາ “ບໍ່ຄືບໜ້າ” ເພາະເປັນຜົນຈາກການທີ່ລັດຖະບານພົນລະເຮືອນຂອງທ່ານນາງ ອອງ ຊານ ຊູຈີ ຄຸກຄາມການເຮັດວຽກຂອງສື່ມວນຊົນ ແລະ ສະຖານະການທີ່ເກີດຂື້ນໃນມຽນມາບົ່ງຊີ້ໄດ້ຢ່າງຊັດເຈນ ວ່າກອງທັບມຽນມາຄື “ສະຖາບັນສູງສຸດ” ຂອງປະເທດ ດ້ານລັດຖະບານ ແລະ ກອງທັບມຽນມາຍັງບໍ່ສະແດງທ່າທີ່ໃດໆ