ຄື່ນລົມແຮງ ຊັດເຮືອສະປີດໂບທ-ຢອຊ ຈົມ ສູນຫາຍກ່ວາ 40 ຄົນ ທີ່ພູເກັດ

ວັນທີ 5 ກໍລະກົດ 2018 ສູນນະເຣນທອນ ໄດ້ຮັບແຈ້ງເຫດເຮືອຫລົ່ມກາງທະເລອັນດາມັນ ຫນ້າເກາະເຮ ເມືອງພູເກັດ ປະເທດໄທ ຊຶ່ງເບື້ອງຕົ້ນຈາກການກວດສອບພົບວ່າເກີດຈາກກະແສລົມແຮງ ເຮັດໃຫ້ເກີດຄື້ນສູງຈົນຊັດເຮືອສະປີດໂບທນຳທ່ຽວຫລາຍລຳຈົມທະເລ ເປັນເຫດໃຫ້ນັກທ່ອງທ່ຽວບໍ່ຕ່ຳກ່ວາ 100 ຄົນ ເສຍຫລັກຕົກລົງທະເລ ບາງສ່ວນຍັງລອຍຄໍຢູ່ເທິງຜິວນ້ຳ ແຕ່ອີກຈຳນວນໜຶ່ງສູນຫາຍໄປ ຂະນະນີ້ເຮືອທະຫານໄດ້ນຳກຳລັງອອກໄປຊ່ວຍເຫລືອຜູ້ປະສົບໄພແລ້ວ

ແລະບໍ່ນານພໍເທົ່າໃດເຈົ້າຫນ້າທີ່ກໍ່ໄດ້ແຈ້ງເຫດເຮືອຢອຊນຳທ່ຽວຖືກຄື້ນຊັດຈົມອີກລຳ ເຮັດໃຫ້ນັກທ່ອງທ່ຽວ 39 ຄົນ ຕົກລົງທະເລ ໂດຍເຫດນີ້ເກີດຂື້ນບໍລິເວນເກາະໄມ້ທ່ອນ ເຈົ້າຫນ້າທີ່ກຳລັງເລັ່ງໃຫ້ການຊ່ວຍເຫລືອ