ຊາອຸດິອາຣາເບຍເຜີຍແຜ່ຮູບມົງກຸດລາຊະກຸມມານ ຊັລມານ ລືສະນັ່ນຖືກລອບສັງຫານໄປແລ້ວ

ເມື່ອວັນທີ່ 23 ພຶດສະພາ 2018 ເວັບໄຊເດລີ່ເມລ ລາຍງານວ່າສຳນັກພະລາດຊະວັງຊາອຸດິອາຣາເບຍເຜີຍແຜ່ຮູບພະສາຍາລັກ ມົງກຸດລາດຊະກຸມມານໂມຣັມເຫມັດ ບິນ ຊັລມານ ທ່າມກາງຂ່າວລືມົງກຸດລາດຊະກຸມມານຊົງຖືກລອບສັ່ງຫານໄປແລ້ວ ເນື່ອງຈາກບໍ່ຊົງເຫັນພະອົງໃນທີ່ສາທາລະນະອີກເລີຍຕັ້ງແຕ່ວັນທີ່ 21 ເມສາ ທີ່ຜ່ານມາ ຊື່ງເປັນວັນທີ່ຊາວຊາອຸດິອາຣາເບຍໃນນະຄອນຣີຢາດ ຕ້ອງຕື່ນຕະນົກຕົກໃຈເມື່ອໄດ້ຍິນສຽງປືນດັ່ງສະນັ່ນໃກ້ພະລາດຊະວັງ ຈົນພາກັນຄິດວ່າມີຄວາມພະຍາຍາມກໍ່ລັດຖະປະຫານຂື້ນ ຂະນະທີ່ມີຄຣິບວິດີໂອບັນທຶກເຫດການສຸດລະທຶກໃນຄັ້ງນີ້ ທາງການຊາອຸດິອາຣາເບຍປະຕິເສດ ສຽງປືນດັ່ງກ່າວເປັນການຍິງໂຈມຕີອາກາດຍານ (ໂດຣນ) ລຳໜື່ງ ທີ່ບິນເຂົ້າມາໃກ້ເຂດພະລາດຊະຖານເທົ່ານັ້ນ

ສຳລັບຮູບພະຊາຍາລັກຂອງມົງກຸດລາດຊະກຸມມານຊັລມານ ທີ່ສຳນັກພະລາດຊະວັງຊາອຸດິອາຣາເບຍນຳມາເຜີຍແຜ່ຕໍ່ສາທາລະນະຊົນໃນຄັ້ງນີ້ ເປັນຮູບຂະນະມົງກຸດລາດຊະກຸມມານຊັລມານຊົງຮ່ວມປະຊຸມກັບຄະນະເຈົ້າໜ້າທີ່ໃນສະພາເສດຖະກິດແລະພັດທະນາຂອງຊາອຸດິອາຣາເບຍ

ຂ່າວແຈ້ງວ່າ ສື່ໃນອີຣ່ານໄດ້ພະຍາຍາມຕີ່ຂ່າວມົງກຸດລາດຊະກຸມມານຊັລມານອາດທົງຖືກຈັບຫຼືອາດຖືກລອບສັງຫານໃນລະຫວ່າງການເກີດຄວາມພະຍາຍາມກໍ່ລັດຖະປະຫານໂດຍ ໜັງສືພິມ Kayhan ໃນອີຣ່ານອ້າງວ່າ ມີລູກປືນຢ່າງໜ້ອຍ 2 ນັດ ຖືກຍິງໃສ່ມົງກຸດລາດຊະກຸມມານຊັລມານ ແລະບາງທີ່ພະອົງອາດສິ້ນພະຊົນໄປແລ້ວ

ຂະນະດຽວກັນໜັງສືພິມອີຣ່ານສະບັບດັ່ງກ່າວຍັງຕັ້ງຂໍ້ສັງເກດວ່າ ເປັນຫັຍງມົງກຸດລາດຊະກຸມມານຊັລມານ ຈື່ງບໍ່ມີການຖ່າຍຮູບຄູ່ກັບທ່ານໄມຄ ປອມເປໂອ ລັດຖະມົນຕີວ່າການຕ່າງປະເທດຄົນໃໜ່ຂອງອາເມລິກາ ທີ່ເດີນທາງມາຢາມຊາອຸດິອາຣາເບຍຢ່າງເປັນທາງການຄັ້ງທຳອິດ ຫຼັງເຂົ້າຮັບຕຳແໜ່ງເມື່ອທ້າຍເດືອນເມສາທີ່ຜ່ານມາ ເພາະມີພຽງແຕ່ສົມເດັດພະລາຊາທິບດີຊັລມານ ບິນ ອັບດຸລ ອາຊິສ ອັລ ຊາອຸດ ທີ່ທົງສ່າຍພະບະລົມສາຍາລັກຄູ່ກັບທ່ານປອມເປໂອ