ຂປລ. ໃນວັນທີ 10 ພຶດສະພາ 2018 ທີ່ສຳນັກງານປະທານປະເທດ, ທ່ານ ພັນຄຳ ວິພາວັນ ຮອງ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອໍາລາ ຂອງ ທ່ານ Francesco Saverio Nisio ເອກອັກຄະລັດຖະທູດ ອີຕາລີ ປະຈຳ ສປປ ລາວ, ໃນໂອກາດ ສຳເລັດການປະຕິບັດໜ້າທີ່ ການທູດ ຢູ່ ສປປ ລາວ, ແຕ່ປີ 2013-2018.
ໃນໂອກາດນີ້, ທ່ານພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ ໄດ້ສະແດງຄວາມຊົມເຊີຍ ຕໍ່ທ່ານທູດ ທີ່ໄດ້ສຳເລັດ ການປະຕິບັດໜ້າທີ່ການທູດ ອັນມີກຽດຢ່າງຈົບງາມ ຕະຫລອດໄລຍະເວລາທີ່ດຳລົງຕຳແໜ່ງ ເປັນເອກອັກຄະລັດຖະທູດ ອີຕາລີ ປະຈຳ ສປປ ລາວ, ເຊິ່ງໄດ້ມີຄວາມພະຍາຍາມ ແລະ ເອົາໃຈໃສ່ເປັນຢ່າງສູງ ໃນການຊຸກຍູ້ເສີມ ສ້າງສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງປະເທດ ລາວ-ອີຕາລີ ໃຫ້ນັບມື້ນັບສູງຂຶ້ນ.
ໃນໂອກາດດຽວກັນ, ທ່ານ Francesco Saverio Nisio ກໍໄດ້ສະແດງຄວາມຂອບໃຈຢ່າງສູງ ຕໍ່ການຕ້ອນຮັບອັນອົບອຸ່ນ ຂອງທ່ານຮອງປະທານປະເທດ ໃນຄັ້ງນີ້ ແລະ ສະແດງຄວາມຂອບໃຈ ຕໍ່ລັດຖະບານ ແລະ ປະຊາຊົນລາວ ທີ່ໄດ້ໃຫ້ການຮ່ວມມື, ສະໜັບສະໜູນຊ່ວຍເຫລືອ ແລະ ອໍານວຍຄວາມສະດວກເປັນຢ່າງດີ ຕະຫລອດໄລຍະການປະຕິບັດໜ້າທີ່ການທູດ ຢູ່ ສປປ ລາວ ໃນຄັ້ງນີ້, ຈົນໄດ້ຮັບຜົນສໍາເລັດອັນຈົບງາມ.
ສປປ ລາວ ແລະ ອີຕາລີ ໄດ້ສ້າງຕັ້ງສາຍພົວພັນ ການທູດນຳກັນ ໃນວັນທີ 7 ທັນວາ 1965, ໂດຍ ມີສຳນັກງານສະຖານທູດ ອີຕາລີ ປະຈຳລາວ ຕັ້ງຢູ່ ບາງກອກ, ຣາຊະອານາຈັກໄທ.
No comments:
Post a Comment