ປະກົດການຂອງດວງເດືອນ 3 ຢ່າງພ້ອມກັນເທິງທ້ອງຟ້າທີ່ຫາຊົມໄດ້ຍາກຄັ້ງທຳອິດໃນຮອບ 150 ປີ

ໃນຄ່ຳຄືນຂອງວັນທີ 31 ມັງກອນ 2018 ທີ່ກຳລັງຈະມາຮອດນີ້ຈະເກີດປະກົດການພິເສດທີ່ຫາຊົມໄດ້ຍາກເທິງທ້ອງຟ້າ ປະກົດການຂອງດວງເດືອນ 3 ຢ່າງພ້ອມກັນຄື ຊຸບເປີມູນ (Supermoon) ບລູມູນ (Blue Moon) ແລະ ບລັອດມູນ (Blood Moon) ເປັຮປະກົດການທີ່ເກີດຂຶ້ນຄັ້ງທຳອິດໃນຮອບ 150 ປີ ເຊິ່ງເອີ້ນກັນວ່າ ປະກົດການ Super Blue Blood Moon ເຊິ່ງເຄີຍເກີດຂຶ້ນແລ້ວໃນປີ 1866 ຫຼື ປະມານ 152 ປີກ່ອນ

ຊິ່ງປະເທດລາວເອງກໍ່ສາມາດເບິ່ງປະກົດການນີ້ເຫັນ ໃນວັນທີ 31 ມັງກອນ 2018 ນີ້ ດວງເດືອນເລີ່ມເຂົ້າສູ່ເງົາມົວຂອງໂລກຕັ້ງແຕ່ເວລາ 17.51 ນາທີ ຈາກນັ້ນຈະຄ່ອຍໆເຄື່ອນຕົວເຂົ້າສູ່ເງົາມືດຂອງໂລກ ເກີດເປັນຈັນທະຄາດບາງສ່ວນໃນເວລາ 18.48 ນາທີ ແລະ ຈະເຂົ້າສູ່ຈັນທະຄາດເຕັມດວງໃນຊ່ວງເວລາ 19.51-21.07 ນາທີ

ກຽມຕົວກັນໃຫ້ພ້ອມຈື່ວັນກັນໃດດີໆ! ຫ້າມລືມ ເພາະນີ້ເປັນຄັ້ງດຽວໃນຮອບຊີວິດຄົນພາດແລ້ວພາດເລີຍ.