ຊ໊ອກທັງປະເທດ! ຄະດີລົ້ມບານສະທ້ອນວົງການບານເຕະລາວ ເມື່ອ 18 ນັກເຕະດັງທີ່ເຫຼືອຢູ່ ຖືກສອບສວນລ໋ອກຜົນ

ວ່າ ການລົ້ມບານ ມັນສະທ້ອນແບບສະໜັ່ນຫວັ່ນໄຫວຕໍ່ກັບວົງການບານເຕະລາວ ເລີ່ມຈາກຕົ້ນປີ 2017 ຫາກໍ່ກວາດລ້າງໄປຄັ້ງໃຫຍ່ ຫຼ້າສຸດຕົ້ນປີ 2018 ເກີດຂຶ້ນອີກ ແລະ ສະຫະພັນບານເຕະແຫ່ງຊາດລາວ ສັ່ງຫ້າມ 18 ນັກເຕະດັງ ທີມຊາດລາວຊຸດໃຫຍ່ ຊຸດປີ 2017 ເກືອບຍົກທີມ ຫ້າມລົງແຂ່ງຂັນທຸກລາຍການຊົ່ວຄາວ ເພື່ອສືບສວນຫາຄວາມຊັດເຈນ ກ່ອນຕັດສິນຄັ້ງຕໍ່ໄປ.

ລາຍລະອຽດຕາມແຈ້ງການຫລ້າສຸດຂອງສະຫະພັນບານເຕະແຫ່ງຊາດລາວທີ່ອອກມາເມື່ອວັນທີ 3 ມັງກອນ2018 

ອີງຕາມໃບແຈ້ງການຂອງ ສະຫະພັນບານເຕະແຫ່ງຊາດລາວ ເລກທີ 005 ນະຄອນຫຼວງວຽງຈັນ ແຈ້ງວ່າ: ຕາມການຕົກລົງເຫັນດີຂອງ ຄະນະບໍລິຫານງານ ສະຫະພັນບານເຕະແຫ່ງຊາດລາວ ຂໍຖືເປັນກຽດແຈ້ງມາຍັງນັກເຕະທີ່ມີຊື່ດັ່ງລຸ່ມນີ້:

ເຊິ່ງທັງໝົດນີ້ໄດ້ມີພຶດຕິກໍາທີ່ສາມາດຕີລາຄາໄດ້ວ່າ ມີສ່ວນກ່ຽວຂ້ອງກັບການລ໊ອກຄະແນນ ໃນການແຂ່ງຂັນບານເຕະມິດຕະພາບ ຊຸດໃຫຍ່ ລະຫວ່າງ ທີມຊາດຮົງກົງ ກັບ ທີມຊາດລາວ ໃນວັນທີ 5 ຕຸລາ 2017 ທີ່ຮົງກົງ, ຜ່ານການສືບສວນ-ສອບສວນຂອງເຈົ້າໜ້າທີ່ ຍັງບໍ່ສາມາດສະຫຼຸບໄດ້ດີ ແລະ ມີຄວາມຈໍາເປັນຕ້ອງຂະຫຍາຍເວລາການດໍາເນີນຄະດີອອກໄປຕື່ມ.

ດັ່ງນັ້ນ, ຄະນະກໍາມະການດ້ານລະບຽບວິໄຊ ຈິ່ງມີຄໍາຕັດສິນ ຂະຫຍາຍເວລາບໍ່ອະນຸຍາດໃຫ້ນັກກິລາທີ່ມີລາຍຊື່ດັ່ງກ່າວ ເຄື່ອນໄຫວທຸກໆກິດຈະກໍາທີ່ກ່ຽວຂ້ອງກັບ ກິລາບານເຕະ ໃນທຸກໆລະດັບຂອງ ສະຫະພັນບານເຕະແຫ່ງຊາດລາວ ອອກໄປຕື່ມ 60 ວັນ ຈາກມື້ສິ້ນສຸດຂອງແຈ້ງການສະບັບເກົ່າ ເພື່ອດໍາເນີນການສືບສວນໃນຂັ້ນຕໍ່ໄປ.

ທີ່ມາ: Laos Update