ຈີນ ຈັບຄົນສໍ້ລາດບັງຫຼວງ ທີ່ໂຕນໜີໄປຕ່າງປະເທດໄດ້ 3 ພັນຄົນ

ກະຊວງປ້ອງກັນຄວາມສະຫງົບຈີນໄດ້ໃຫ້ຮູ້ວ່າ: ຕະຫຼອດໄລຍະ 5 ປີ ນັບແຕ່ກອງປະຊຸມໃຫຍ່ຂອງພັກກອມມູນິດຈີນຄັ້ງທີ 18 ເປັນຕົ້ນມາ, ພາກສ່ວນປ້ອງກັນຄວາມສະຫງົບຈີນໄດ້ເຄື່ອນໄຫວນຳຈັບຜູ້ຕ້ອງສົງໄສທີ່ກ່ຽວພັນກັບການສໍ້ລາດບັງຫຼວງທີ່ໂຕນໜີໄປຕ່າງປະເທດໄດ້ 3,317 ຄົນ.

ໂດຍຜູ້ກະທໍາຄວາມຜິດເຫຼົ່ານັ້ນກະຈາຍຢູ່ 120 ກວ່າປະເທດແລະເຂດແຄວ້ນ, ທັງສາມາດເກັບກູ້ເງິນທີ່ກ່ຽວພັນກັບຄະດີໄດ້ຫຼາຍຕື້ຢວນນໍາອີກ.

ທັງນີ້ 5 ປີຜ່ານມາ, ຫຼັງບຸກທະລຸໃນການຮ່ວມມືການປະຕິບັດກົດໝາຍສາກົນຢ່າງບໍ່ຢຸດຢັ້ງ ໂດຍພາກສ່ວນປ້ອງກັນຄວາມສະຫງົບຈີນໄດ້ຈັບຜູ້ກະທຳຜິດທີ່ໂຕນໜີໄປຕ່າງປະເທດເຊັ່ນຢູ່ເກຣັກ,ບຸນກາຣີ,ອີຕາລີ,ເປຣູ,ແອັດສະປາຍ,ຣັດເຊຍ,ອາຣັບບີ ຊາອຸດິດ,ຝຣັ່ງ,ຮົງກາຣີລວມທັງປະເທດແລະເຂດແຄວ້ນອື່ນໆ.

ໃນນັ້ນ 16 ຄົນໄດ້ກັບຄືນປະເທດ ລວມທັງຮຽກຮ້ອງຜູ້ຢູ່ການາດາ,ອົດສະຕຣາລີ,ນູແວນເຊລັງແລະອື່ນໆໃຫ້ກັບຄືນປະເທດຕື່ມອີກ.ນອກຈາກນີ້,ນັບແຕ່ປີນີ້ເປັນຕົ້ນມາຍັງສາມາດເກັບກູ້ເງິນທີ່ເປັນຂອງກາງກ່ຽວພັນກັບຄະດີຜູ້ຢູ່ຕ່າງປະເທດໄດ້ເຖິງ 1.48 ຕື້ຢວນ.

Cr : ຂ່າວເສດຖະກິດ-ການຄ້າ Lao Economic Daily