ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ແຈ້ງເຕືອນໄພພາຍຸເຂດຮ້ອນດຳເຣ (Damrey) ຫົວທີ 23 ໃນເວລາ 7 ໂມງເຊົ້າຂອງວັນທີ 2 ພະຈິກ 2017 ມີຈຸດສູນກາງຢູ່ເສັ້ນຂະໜານທີ 12,6 ອົງສາເໜືອ ແລະ ເສັ້ນແວງທີ 117,5 ອົງສາຕາເວັນອອກກຳລັງເຄື່ອນທີ່ໄປທາງທິດຕາເວັນຕົກດ້ວຍຄວາມໄວ 15 ກິໂລແມັດຕໍ່ຊົ່ວໂມງ.
ພະຍຸດັ່ງກ່າວມີຈຸດທີ່ຕັ້ງຢູ່ຢຸ່ທະເລຈີນຕອນໃຕ້ ແລະ ຈະເຄື່ອນທີ່ຜ່ານເຂດອ່າວໄທ ແລະ ວົງລັດສະໝີຈະກວມເອົາບັນດາແຂວງພາກໃຕ້ຂອງປະເທດລາວ ໃນໄລຍະວັນທີ 3 ຫາ 5 ພະຈິກ 2017 ເຊິ່ງຈະເຮັດໃຫ້ມີຝົນຕົກໃນລະດັບຄ່ອຍຫາປານກາງຢູ່ທົ່ວໄປ ແລະ ຕົກໜັກ ພ້ອມມີລົມພັດແຮງຢູ່ແຂວງບໍລິເວນ4 ແຂວງຄື: ອັດຕະປື, ເຊກອງ, ຈຳປາສັກ ແລະ ສາລະວັນ.
No comments:
Post a Comment