ສີ ຈິນຜິງ ຖືກຄັດເລືອກເປັນເລຂາທິການໃຫຍ່ພັກຄອມມູນິດຈີນອີກສະໄໝ

ສີ ຈິນຜິງ ຖືກຄັດເລືອກເປັນເລຂາທິການໃຫຍ່ພັກຄອມມູນິດຈີນອີກສະໄໝ 
ໃນ ວັນທີ 25 ຕຸລານີ້ຢູ່ກອງປະຊຸມຄັ້ງປະຖົມມະລຶກ ຂອງຄະນະພັກຄອມມູນິດຈີນຄັ້ງທີ 19 ທີ່ນະຄອນຫລວງປັກກິ່ງ ສປ ຈີນ ໄດ້ປະກາດລາຍຊື່ຂອງຄະນະບໍລິຫານງານສູນກາງພັກ ແລະ ຄະນະກຳມະການກວດກາສູນກາງພັກຄອມມູນິດຈີນຊຸດໃໝ່ນຳໂດຍ ສະຫາຍ ສີ ຈິນຜິງ ທີ່ໄດ້ຖືກຂັດເລືອກເປັນ ເລຂາທິການໃຫຍ່ພັກກອມມູນິດຈີນອີກສະໄໝ ພ້ອມດ້ວຍຄະນະບໍລິຫານງານສູນກາງພັກນຳໂດຍ ສະຫາຍ ລີ ເຄີສຽງ, ສະຫາຍ ລີ ຊາງຊູ, ຫວັງ ຢາງ, ຫວັງ ຮຸນໜິງ, ຈາວ ລີຈິ ແລະ ສະຫາຍ ຮານ ເຊັງ.
ໃນນີ້ສະຫາຍ ຈາວ ລີຈິ ໄດ້ຖືກຂັດເລືອກເປັນ ຄະນະກຳມະການກວດກາສູນກາງພັກກອມມູນິດຈີນຊຸດໃໝ່.
ສະຫາຍ ສີ ຈິນຜິງ ໄດ້ກ່າວວ່າຄະນະພັກຊຸດໃຫມ່ນີ້ຈະທຸ່ມເທໃນການເຮັດວຽກໃນອີກ ຫ້າປີຕໍ່ໜ້າເພື່ອໃຫ້ບັນລຸເປົ້າໝາຍອັນຍິ່ງໃຫຍ່ໃນການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະເທດຈີນ ຢ່າງອົດທົນ ແລະ ດ້ວຍທ່າທີທີ່ບໍທໍ້ຖອຍແຕ່ຢ່າງໃດ.
ທ່ານ ຍັງກ່າວຕື່ມວ່າ ທົ່ວພັກຕ້ອງສາມັກຄີຢູ່ອ້ອມຂ້າງສູນກາງພັກຢ່າງແໜ້ນແຟ້ນ ຊູຄັນທຸງ ຍິ່ງໃຫຍ່ແຫ່ງການສັງຄົມນິຍົມທີ່ມີສີສັນພິເສດຂອງຈີນ ແລະ ນຳພາປະຊາຊົນບັນດາເຜົ່າໃນທົ່ວປະເທດບາກບັ່ນສູ້ຊົນເພື່ອບັນລຸເປົ້າໝາຍ ແລະ ພາລະໜ້າທີ່ທີ່ກຳນົດໄວ້ໃນກອງປະຊຸມໃຫຍ່ຄັ້ງທີ 19.
ຂ່າວ: ສຸກທະວີ ເທບພະວົງ