ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໄດ້ຂຶ້ນຊີ້ແຈງຂໍ້ຊັກຖາມຂອງສະມາຊິກສະພາແຫ່ງຊາດ ໃນວັນທີ 23 ຕຸລາ ຜ່ານມາ ກ່ຽວກັບການກໍ່ສ້າງເສັ້ນທາງມູນຄ່າສູງ, ຂາດຄຸນນະພາບເຮັດໃຫ້ລັດເສຍຜົນປະໂຫຍດ, ບັນຫາດັ່ງກ່າວ ເກີດມາຈາກການບໍ່ປະຕິບັດກົດໝາຍ ເປັນຕົ້ນ ການປະມູນ, ການກວດສອບລາຄາຫົວໜ່ວຍກໍ່ສ້າງ ລັດຖະບານຈະມີວິທີການແກ້ໄຂຄືແນວໃດ?
ບັນດາບັນຫາທີ່ເວົ້າມານີ້ ຈຶ່ງເຮັດໃຫ້ໂຄງການສ້າງເສັ້ນທາງ ຂອງພວກເຮົາມີສະພາບແບບນີ້. ດັ່ງນັ້ນ, ນັບແຕ່ເດືອນເມສາ 2016 ເປັນຕົ້ນມາ ລັດຖະບານໄດ້ຢຸດຕິໝົດ ບັນດາໂຄງການ ໂດຍສະເພາະບັນ ດາໂຄງການປະເພດທີ 1, ປະເພດທີ 2. ກວດຄືນໝົດບັນດາໂຄງການປະເພດທີ 3.
ທ່ານ ນາຍົກໃຫ້ຮູ້ເຖິງມາດຕະການແກ້ໄຂວ່າ: ການແກ້ໄຂໂຄງການນອກແຜນ ຈະບໍ່ໃຫ້ມີອີກ, ໂຄງການບໍ່ມີຕົວຕົນຈະບໍ່ໃຫ້ເກີດຂຶ້ນອີກ, ລັດຖະບານກຳລັງກວດກາບັນດາໂຄງການເຮັດບໍ່ແລ້ວ ກໍ່ຍັງໄດ້ເງິນ, ໄດ້ເງິນຊ້ຳສອງເທື່ອສາມເທື່ອ ຫຼື ໄດ້ຫຼາຍແລ້ວໜີ້ ແລະ ອື່ນໆ. ລັດຖະບານຈະມີມາດຕະການແກ້ໄຂໃຫ້ເໝາະສົມ ແລະ ເດັດຂາດ ຕາມກົດໝາຍ ແລະ ລະບຽບການທີ່ກຳນົດ. ເພີ່ມທະວີວຽກງານຕິດຕາມກວດກາການຈັດຕັ້ງປະຕິບັດໂຄງ ການລົງທຶນຂອງລັດ ແຕ່ຫົວທີ ໃຫ້ເປັນປົກກະຕິ (ໃຫ້ສະມາຊິກສະພາແຫ່ງຊາດ, ສະມາຊິກສະພາທ້ອງ ຖິ່ນ ເຂົ້າຮ່ວມກວດກາ).
ຂ່າວ: ນສພ ເສດຖະກິດ-ການຄ້າ
No comments:
Post a Comment