ເຊິ່ງການລະບາຍນໍ້າອອກໃນຄັ້ງນີ້ຈະເຮັດໃຫ້ລະດັບນໍ້າທ້າຍເຂື່ອນ ແລະ ຕາມລຳນໍ້າງື່ມເພີ່ມຂຶ້ນປະມານ 5-10 ຊັງຕີແມັດ, ຈະບໍ່ສົ່ງຜົນກະທົບໃດໆຕໍ່ ພໍ່-ແມ່ປະຊາຊົນທີ່ອາໄສຢູ່ຕາມລ້ອງແມ່ນໍ້າງື່ມ, ເນື່ອງຈາກວ່າຍັງເປັນຊ່ວງຕົ້ນລະດູຝົນ ຄາດວ່າຈະຍັງມີພາຍຸ ແລະ ຝົນຕົກໜັກໃນຊ່ວງເດືອນສິງຫາ ຫາ ເດືອນ ກັນຍາ 2018 ນີ້.
ພ້ອມກັນນີ້ ບໍລິສັດຜະລິດໄຟຟ້າລາວ ມະຫາຊົນ ຍັງໄດ້ສະເໜີມາຍັງພາກສ່ວນທີ່ກ່ຽວຂ້ອງບັນດາເມືອງ, ບ້ານ ແລະ ປະຊາຊົນທີ່ຢູ່ອາໃສ່ຕາມແຄມນໍ້າງື່ມ ທີ່ເຮັດທຸລະກິດ, ທຳການຜະລິດ ແລະ ກິດຈະກຳອື່ນໆຢູ່ພື້ນທີ່ຮາບຕໍ່າທີ່ນໍ້າອາດຈະຖ້ວມ ໃຫ້ເອົາໃຈໃສ່ເກັບມ້ຽນຮັກສາ ແລະ ຄຸ້ມຄອງເຮືອ, ແພຊົນລະປະທານ, ເຮືອແພຮ້ານອາຫານ, ກະຊັງປາ, ສັດລ້ຽງ, ວັດຖຸສິ່ງຂອງ ແລະ ອື່ນໆໃຫ້ມີຄວາມປອດໄພດ້ວຍ.
No comments:
Post a Comment