ຄຽດແຮງ! ດູເຕີເຕ້ສັ່ງພົນລະເມືອງຫ້າມໄປເຮັດວຽກໃນຄູເວດແບບຖາວອນ

ເມື່ອວັນທີ 29 ເມສາ 2018 ທີ່ຜ່ານມາ ເອເອຟພີລາຍງານຄວາມຄືບໜ້າຄວາມສຳພັນແຕກຄໍລະຫວ່າງຄູເວດກັບຟິລິບປິນ ວ່າ ປະທານາທິບໍດີ ໂຣດຣິໂກ ດູເຕີເຕ ຜູ້ນຳຟິລິບປິນ ລະບຸເຖິງຄຳສັ່ງຫ້າມແຮງງານຂອງຟິລິບປິນ ແຮງງານຟິລິບປິນເດີນທາງໄປເຮັດວຽກທີ່ຄູເວດຊົ່ວຄາວນັ້ນປ່ຽນແປງເປັນຄຳສັ່ງຫ້າມແບບຖາວອນແລ້ວເພື່ອຕອບໂຕ້ທາງການຄູເວດທີ່ມີຄຳສັ່ງຂັບໄລ່ເອກອັກຄະຣາຊທູດຟິລິບປິນປະຈຳຄູເວດຊີຕີ້ໃນກໍລະນີທີ່ສັ່ງໃຫ້ເຈົ້າໜ້າການທູດຟິລິບປິນເຂົ້າຊ່ວຍເຫຼືອພາແມ່ບ້ານຫຼົບໜີຈາກເຮືອນຂອງນາຍຈ້າງທີ່ແມ່ບ້ານອ້າງວ່າຖືກກະທຳທາລຸນ ແລະ ຖືກຕຳຫຼວດເີກເສີຍດົນກວ່າ 24 ຊົ່ວໂມງຫຼັງຮັບຊາບເຫດການ

ເປັນເຫດການຕໍ່ເນື່ອງຈາກຄະດີຂອງນາງ ໂຈນນາ ເດມາເຟລິສ ເຍື່ອສາວໃຊ້ຟິລິບປິນຖືກສັງຫານໃນປະເທດຄູເວດ ຮ່າງຖືກແຊ່ແຂງໃນຕູ້ເຢັນໃນເຮືອນນາຍຈ້າງຊາວເລບານອນດົນເປັນປີ ມັນໄດ້ຕອກຢ້ຳບັນຫາຄວາມຮຸນແຮງຕໍ່ແຮງງານຟິລິບປິນໃນຄູເວດ

ທ່ານ ດູເຕີເຕ ແນະນຳອີກວ່າສຳລັບຊາວຟິລິບປິນທີ່ມີທັກສະດ້ານພາສາອັງກິດດີ ສາມາດໄປເປັນຄູສອນພາສາອັງກິດໃນຈີນໄດ້ ເພາະຕອນນີ້ຈີນເປັນຊາດພັນທະມິດຂອງຟິລິບປິນ

ດ້ານກະຊວງການຕ່າງປະເທດລະບຸວ່າ ຊາວຟິລິບປິນທີ່ໄປເຮັດວຽກໃນຄູເວດມີປະທານ 260,000 ຄົນ ນັ້ນຖືເປັນອັດຕາສ່ວນແຮງງານເຖິງ 60%ໃນຄູເວດ