ວັນທີ 5 ກຸມພາປີທີ່ຜ່ານມານີ້, ອິນໂດເນເຊຍ ກຽມພ້ອມຮັບມື ກັບ ອຸທົກກະໄພ ຫລັງຈາກເກີດຝົນຕົກຢ່າງໜັກ ແລະ ດິນເຈື່ອນຢ່າງໜ້ອຍ 4 ແຫ່ງໃນອ້ອມຮອບນະຄອນຫລວງ ຈາກາຕາ ອາດສົ່ງຜົນໃຫ້ເກີດນ້ຳຖ້ວມກະທັນຫັນ ພາຍຫລັງ ເຈົ້າໜ້າທີ່ ຕ້ອງເປີດປະຕູ ລະບາຍນ້ຳ ຫລາຍແຫ່ງ ອອກຈາກ ອ່າງເກັບນ້ຳສຳຄັນ ທີ່ເມືອງໂບກຣໍ ທາງພາກເໜືອ ຂອງປະເທດ ເນື່ອງຈາກ ລະດັບນ້ຳໃນອ່າງ ເພີ່ມຂຶ້ນສູງ ຈົນເກີນລະດັບ ທີ່ຈະຮັບເອົາໄວ້ແລ້ວ. ຂະນະນີ້ ປະຊາຊົນ ບາງສ່ວນ ອົບພະຍົບ ອອກຈາກເຮືອນແລ້ວ ເພື່ອຍ້າຍໄປຢູ່ໃນເຂດທີ່ປອດໄພ. ສ່ວນເຈົ້າໜ້າທີ່ຕຳຫລວດ ແລະ ທະຫານ ພວມເຮັດວຽກ ຮ່ວມກັບ ອາສາສະໝັກ ໃນການຮັບມື ກັບໄພພິບັດ ທາງທຳມະຊາດ ໃນຄັ້ງນີ້./.
No comments:
Post a Comment