ຣັດເຊຍ ກຽມຄືນຊີບ ຍົນໂດຍສານໄວເໜືອສຽງ ຫຼັງຖືກຍົກເລີກໄປ

ທ່ານ ວະລາດີເມຍ ປູຕິນ ປະທານາທິບໍດີຣັດເຊຍ ກ່າວຫຼັງເຂົ້າຮ່ວມເປັນສັກຂີພິຍານຖ້ຽວບິນທົດລອງຂອງຍົນຖິ້ມລະເບີດທາງຍຸດທະສາດໃໝ່ຫຼ້າສຸດຂອງຣັດເຊຍ ຕູ – 160 ບົ່ງຊີ້ວ່າຣັດເຊຍ ອາດຈະຄືນຊີີບຍົນໂດຍສານໄວເໜືອສຽງ ລະບຸຈາກສະຖານະການປັດຈຸບັນມີທ່າອ່ຽງຢູ່ລອດໄດ້ໃນທາງການຄ້າ.
ຣັດເຊຍ ເຄີຍມີຍົນໂດຍສານ ຄວາມໄວເໜືອສຽງ ຫຼື ຊຸບເປີໂຊນິກມາກ່ອນນັ້ນຄື ຕູ – 144 ແຕ່ມັນຢູ່ໃນປະຕິບັດການໄດ້ບໍ່ເຖິງທົດສະວັດ ແລະ ຕ້ອງຖືກຍົກເລີກໄປເນື່ອງຈາກບໍ່ເໝາະສົມກັບສະພາບເສດຖະກິດ, ຈຸດຈົບແບບດຽວກັນກັບຂອງຍົນໂດຍສານຄວາມໄວເໜືອສຽງທີ່ເກີດຂຶ້ນພາຍໃຕ້ຄວາມຮ່ວມມືລະຫວ່າງອັງກິດ ແລະ ຝຣັ່ງ ເຊິ່ງມີຂຶ້ນເທື່ອສຸດທ້າຍໃນປີ 2003.
ຫຼັງຈາກຮ່ວມເປັນສັກຂີພິຍານຖ້ຽວບິນທົດລອງຍົນຖິ້ມລະເບີດທາງຍຸດທະສາດຄວາມໄວເໜືອສຽງ ຕູ – 160 ທ່ານ ປູຕິນ ຊີ້ບອກວ່າອາດຈະໄດ້ເຫັນການຟື້ນຄືນຊີບຍົນໂດຍສານໄວເໜືອສຽງ ຊູເປີໂຊນິກ ໃນສະພາບເສດຖະກິດປັດຈຸບັນ.
ຕູ – 144 ຢຸດຜະລິດຊົ່ວຄາວເນື່ອງຈາກຄ່າປີ້ຂອງສາຍການບິນໜຶ່ງຈໍາເປັນຕ້ອງຄໍານຶງເຖິງເງິນເດືອນສະເລ່ຍໃນແຕ່ລະປະເທດ, ສະຖານະການຕອນນີ້ແຕກຕ່າງຈາກອະດີດ ເພາະມີບໍລິສັດໃຫຍ່ໆສາມາດປະຕິບັດການຍົນລັກສະນະນີ້ໄດ້ ແລະ ຣັດເຊຍ ອາດຈະຜະລິດເວີຊັນຍົນພົນລະເຮືອນ ຕູ – 160.
ທີ່ມາ ເສດຖະກິດການຄ້າ