ສຳນັກຂ່າວເອເອັບພີລາຍງານວ່າ ລະຫວ່າງການຖ່າຍຮູບຮ່ວມກັບຜູ້ນຳປະເທດສະມາຊິກອາຊຽນທີ່ກຸງມະນິລາເມື່ອວັນຈັນ ໂດນັນ ທຣຳ ເຮັດໃຫ້ແຖວຜູ້ນຳແຍກເປັນສອງສ່ວນ ເພາະຜູ້ນຳສະຫະລັດບໍ່ໄດ້ໄຂວ່ແຂນຈັບມືກັບຜູ້ນຳທີ່ຢືນຄຽງສອງຂ້າງ ຢ່າງທີ່ວົງປະຊຸມແຫ່ງນີ້ກະທຳກັນເປັນປະເພນີ ເພື່ອສະແດງຄວາມເປັນເອກະພາບ.
ທຣຳ ຫັນໄປທາງຂວາ ຍື່ນສອງມືໄປຈັບນິ້ວຂອງນາຍົກລັດຖະມົນຕີຫວຽດນາມ ຫງວຽນຊວນຟຸກ ປ່ອຍໃຫ້ປະທານາທິບໍດີຟິລິບປິນ ໂຣດຣິໂກ ດູເຕີເຕ ຢື່ນມືເກີ້ ເຮັດໃຫ້ແຖວຂອງຜູ້ນຳແຍກເປັນສອງສ່ວນ.
ຜູ້ນຳທີ່ຮ່ວມຈັບມືປະກອບດ້ວຍຫົວໜ້າລັດຖະບານຈາກ 10 ປະເທດອາຊຽນ ພ້ອມດ້ວຍຜູ້ນຳຈີນ, ລັດເຊຍ, ນິວຊີແລນດ ອົດສະຕຣາລີ, ອິນເດຍ, ການາດາ, ຍີ່ປຸ່ນ ແລະ ເກົາຫຼີໃຕ້.ຫຼັງເຮັດທ່າສັບສົນຄາວໜຶ່ງ ທຣຳ ກໍໄຂວ່ມືໃໝ່ ຈັບມືກັບທັງ ຫງວຽນ ແລະ ດູເຕີເຕ ແລ້ວຫົວແກ້ເຂີນ.
No comments:
Post a Comment