ແຮັກເກີ ເກົາຫລີເໜືອລັກແບບເຮືອຮົບເກົາຫລີໃຕ້

ເຜີຍແຮັກເກີເກົາຫລີເໜືອລັກລອບຈາລະກຳຂໍ້ມູນແບບເຮືອຮົບຂອງເກົາຫລີໃຕ້ ທ່ານ ຄະຍອງແດຊູ ຈາກພັກຝ່າຍຄ້ານຂອງເກົາຫລີໃຕ້ ເຜີຍກັບຣອຍເຕີວ່າ ມີຄວາມເປັນໄປໄດ້ ສູງທີ່ແຮັກເກີເກົາຫລີເໜືອເປັນຜູ້ຢູ່ເບື້ອງຫລັງການຈາລະກຳຂໍ້ມູນຂອງບໍລິສັດ ແດວູ ຊິບບິວດິ້ງ ແອນ ມາຣີນເອັນຈີເນຍຣິ່ງ  (DSME)ຊຶ່ງເປັນຜູ້ຜະລິດເຮືອຮົບເກົາຫລີໃຕ້ ໂດຍສະເພາະຢ່າງຫຍິ່ງແມ່ນແບບການກໍ່ສ້າງເຮືອຮົບເກົາຫລີໃຕ້ ທັງນີ້ບໍລິສັດ ແດວູເປັນຜູ້ ຮັບເໝົາຕໍ່ເຮືອຮົບຫລາຍລຳຂອງປະເທດ ລວມເຖິງເຮືອຮົບ ຊັ້ນແອຈິສ ແລະເຮືອດຳນ້ຳ ແລະຄາດວ່າເກົາຫລີເໜືອໄດ້ຂໍ້ມູນການກໍ່ສ້າງເຮືອເຫລົ່ານີ້ໄປນຳ ເມື່ອເດືອນ ເມສາປີກາຍ  ໂດຍທີມສືບສວນຂອງລັດຖະສະພາພົບວ່າຂໍ້ມູນຖືກຈາລະກຳດ້ວຍວິທີການດຽວກັນກັບທີ່ ເກົາຫລີເໜືອເຄີຍເຮັດ ແຕ່ຍັງບໍ່ມີການເປີດເຜີຍຢ່າງຊັດເຈນວ່າ ຂໍ້ມູນທີ່ຖືກຈາລະກຳໄປ ນັ້ນ ມີຄວາມລະອຽດອ່ອນພຽງໃດຂະນະທີ່ໂຄສົກຂອງ DSMEໄດ້ອອກມາຢືນຢັນວ່າ ບໍລິສັດໄດ້ຖືກຈາລະກຳຂໍ້ມູນຈິງ ແລະເຊື່ອ ວ່າເກົາຫລີເໜືອເປັນຜູ້ຢູ່ເບື້ອງຫລັງໄພຄຸຄາມທາງໄຊເບີຂອງເກົາຫລີໃຕ້ຫລາຍຕໍ່ຫລາຍຄັ້ງ ເຖິງແມ່ນວ່າເກົາຫລີເໜືອຈະຢືນຢັນປະຕິເສດມາໂດຍຕະຫລອດກໍ່ຕາມ ກ່ອນໜ້ານີ້ ຫນ່ວຍຕໍ່ຕ້ານການຈາລະກຳຂໍ້ມູນຂອງກອງທັບເກົາຫລີໃຕ້ ເຄີຍກວດສອບກໍລະນີການ ແຮັກຂໍ້ມູນບໍລິສັດ ຮານຈິນ ເຮຟວີ ອິນດັສຕຣີ ແອນຄອນສະຕຣັກຊັນ ຊຶ່ງເປັນບໍລິສັດ ຕໍ່ເຮືອລາຍໃຫ່ຍ ໂດຍເຊື່ອວ່າເກົາຫລີເໜືອມີສ່ວນກ່ຽວຂ້ອງກັບການລ້ວງຂໍ້ມູນດັ່ງກ່າວ ເຊັ່ນກັນ.
Sout: http://raosukunfung.com