ຜ່ານໄປ 4 ປີແລ້ວ! ກັບເຫດການ QV301

ລະນຶກເຫດການ QV301 - 16 ຕຸລາ 2013
-----------------------------
‪#‎ຫຼຽວເບິ່ງອາດີດ ມື້ນີ້ ໂທລະໂຄ່ງຂໍລະນຶກເຖິງເຫດການວັນທີ 16 ຕຸລາ 2013, ເຖິງເວລາຈະຜ່ານມາ 4 ປີ ແລ້ວ, ແຕ່ເຫດການຄັ້ງນັ້ນ ຍັງຄົງຕິດຕາຊາວລາວທັງຊາດ. ແລະ ເປັນເຫດການສູນເສຍຄັ້ງຍິ່ງໃຫຍ່.

ຫຼາຍຄອບຄົວໄດ້ສູນເສຍພໍ່, ແມ່, ອ້າຍ, ເອື້ອຍນ້ອງ ເພື່ອນມິດສະຫາຍ, ເມື່ອນົກຍັກ QV301 ບໍ່ສາມາດຜ່າກະແສລົມມໍລະສຸມລົງສູ່ເດີນບິນໄດ້, ໂຊກຮ້າຍຖືກພັດຕົກລົງກາງຂອງ ທຸກຊີວິດໃນຍົນດັບສິ້ນ, ແມ້ແຕ່ເຮືອບິນທີ່ແຂ່ງແກ່ນກໍ່ແຕກຫັກເປັນຊິ້ນແຕກແຍກກັນ.


ອຸປະຕິເຫດເຮືອບິນ ATR:72-600 ຖ້ຽວບິນ QV 301 ຂອງລັດວິສາຫະກິດການບິນລາວຕົກລົງນ້ຳຂອງຢູ່ເມືອງປາກເຊ, ແຂວງຈຳປາສັກເມື່ອວັນທີ 16 ຕຸລາ 2013 ວ່າ: ຖ້ຽວບິນດັ່ງກ່າວແມ່ນຈາກນະຄອນຫລວງວຽງຈັນ-ປາກເຊ, ແຂວງຈຳປາສັກເວລາປະມານ 14:40 ໂມງ, ມີຈຸບິນ 5 ຄົນ ແລະ ຜູ້ໂດຍສານ 44 ຄົນ, ຫລັງຈາກບິນອອກຈາກສະໜາມບິນສາກົນວັດໄຕແລ້ວລ້ຽວຊາຍມຸ້ງໜ້າສູ່ແຂວງອຸບົນລາຊະທານີ (ປະເທດໄທ) ພາຍໃຕ້ການຄວບຄຸມຈະລາ ຈອນທາງອາກາດຂອງບາງກອກ (ປະເທດໄທ) ເພື່ອບິນເຂົ້າສູ່ສະໜາມບິນປາກເຊເວລາ 15: 50 ໂມງ, ເຊິ່ງນັກບິນໄດ້ເລີ່ມ ຜ່ອນຄວາມສູງມຸ່ງໜ້າສູ່ທິດຕາເວັນອອກສ່ຽງໃຕ້, ຂະນະນັ້ນຢູ່ອ້ອມຮອບບໍລິເວນສະໜາມບິນປາກເຊໄດ້ມີຝົນຟ້າຄະນອງ ແລະ ຝົນຕົກ ນັກບິນໄດ້ຕັດສີນໃຈສືບຕໍ່ຜ່ອນຄວາມສູງເພື່ອລົງເດີນ, ແຕ່ເມືອເຫັນວ່າເຮືອບິນລົງຕ່ຳເກີນປົກກະຕິຈຸບິນໄດ້ຕັດສີນໃຈບິນຂຶ້ນຄືນດ້ວຍມຸມລ້ຽວຂວາໃຫຍ່ເກີນໄປເຮັດໃຫ້ເຮືອບິນເສຍຄວາມສູງໄປຕຳໃສ່ຕົ້ນໄມ້ຈາກນັ້ນໄປຕຳກັບດອນ ແລະ ແຕກກະຈາຍລົງສູ່ນ້ຳ ຂອງ, ເຮັດໃຫ້ຜູ້ໂດຍສານ ແລະ ຈຸບິນເສຍຊີວິດທັງໝົດ.

ເບິ່ງພາບແລະເຫດການ QV301 ໄດ້ທີ່ : http://www.tholakhong.com/search/label/QV301