ຂປລ. ເມື່ອທ້າຍອາທິດທີ່ຜ່ານມາ ທ່ານ ບໍ່ແສງຄໍາ ວົງດາລາ ລັດຖະມົນຕີກະຊວງຖະແຫລງ ຂ່າວ,ວັດທະນະທໍາ ແລະ ທ່ອງທ່ຽວ (ຖວທ) ທັງເປັນຮອງປະທານຄະນະຊີ້ນໍາລະດັບຊາດ ໃນການ ຈັດງານປີທ່ອງທ່ຽວລາວ 2018ຮ່ວມກັບ ຄະນະນໍານະຄອນຫລວງວຽງຈັນ, ໄດ້ລົງກວດກາຄວາມພ້ອມສະຖານທີ່ ແລະ ຄວາມຄືບໜ້າການໃນການຈັດງານປີທ່ອງທ່ຽວລາວ 2018 ທີ່ເດີ່ນພະທາດ ຫລວງວຽງຈັນ.
ທ່ານ ສູນ ມະນີວົງຫົວໜ້າກົມໂຄສະນາການທ່ອງທ່ຽວ ກະຊວງ (ຖວທ) ໄດ້ໃຫ້ສໍາພາດຕໍ່ ນັກຂ່າວສຳນັກຂ່າວສານປະເທດລາວວ່າ: ຍັງອີກບໍ່ພໍເທົ່າໃດວັນກໍຈະເປີດປີທ່ອງທ່ຽວລາວ 2018 ເພື່ອສົ່ງເສີມ ແລະ ດຶງດູດການທ່ອງທ່ຽວ ທັງພາຍໃນ ແລະ ຕ່າງປະເທດ ໃຫ້ເຂົ້າມາທ່ອງທ່ຽວລາວ ໃຫ້ຫລາຍຂຶ້ນ, ໂດຍແນ່ໃສ່ໂຄສະນາການທ່ອງທ່ຽວທາງດ້ານປະຫວັດສາດ, ວັດທະນະທໍາ ແລະ ທໍາມະຊາດ, ມາຮອດປັດຈຸບັນການຫ້າງຫາກະກຽມລວມ ທັງສິ່ງອໍານວຍຄວາມສະດວກຕ່າງໆຖືວ່າ ມີຄວາມຄືບໜ້າດີ, ໂດຍການປະສານສົບທົບກັບອໍານາດການປົກຄອງນະຄອນຫລວງວຽງຈັນ, ສໍາ ລັບກິດຈະກໍາສະເຫລີມສະຫລອງ ໃນງານປີທ່ອງທ່ຽວລາວ 2018 ນີ້ ຈະມີການສະແດງສິລະປະ, ວັດທະນະທໍາ, ການວາງສະແດງແຫລງທ່ອງ ທ່ຽວຈໍາລອງທີ່ໂດດເດັ່ນຂອງແຕ່ລະແຂວງພາຍ ໃນປະເທດ, ການວາງສະ ແດງສິນຄ້າຫັດຖະກໍາໜຶ່ງເມືອງໜຶ່ງຜະລິດຕະພັນ (ODOP).
ນອກຈາກນັ້ນ, ຍັງຈະໄດ້ເຊື້ອເຊີນເອົາ 5 ປະເທດ ທີ່ມີຊາຍແດນຕິດຈອດກັນເຂົ້າຮ່ວມ ເຊັ່ນ: ສສ ຫວຽດນາມ, ສປ ຈີນ, ຣາຊະອານາຈັກໄທ, ມຽນມາ ແລະ ກໍາປູເຈຍ. ພ້ອມນີ້, ການທ່ອງ ທ່ຽວມາເລເຊຍ ຍັງສະເໜີ ເຂົ້າຮ່ວມໃນງານດັ່ງ ກ່າວຕື່ມອີກ.
ຂ່າວ: ວິໄລສັກ ພາບ: ເກດສະໜາ
No comments:
Post a Comment