ກອງກຳລັງ ຮັກສາຄວາມປອດໄພ ຂອງ ອັຟການິສຖານ ຖືກຂ້າຕາຍ ຫຼາຍສິບຄົນ

ທະຫານ ແລະ ເຈົ້າໜ້າທີ່ຕຳຫຼວດ ອັຟການິສຖານ ຢ່າງໜ້ອຍ 30 ຄົນໄດ້ເສຍຊີວິດ
ໃນການໂຈມຕີຂອງພວກ ຕາລີບານ ຢູ່ຄ້າຍທະຫານໃນແຂວງ ບາກລານ (Baghlan)
ທີ່ຕັ້ງຢູ່ພາກເໜືອຂອງປະເທດ.

ການໂຈມຕີໃນວັນພຸດມື້ນີ້ ໄດ້ມີຂຶ້ນມື້ນຶ່ງຫຼັງຈາກທີ່ພວກຫົວຮຸນແຮງ ຕາລີບານ ໄດ້
ຍຶດເອົາຄ້າຍທະຫານແຫ່ງນຶ່ງໃນແຂວງ ຟາຢັບ (Faryab) ທາງພາກເໜືອຂອງປະ
ເທດລຸນຫຼັງການຕໍ່ສູ້ກັບຢ່າງດຸເດືອດຫຼາຍວັນ. ບັນດາເຈົ້າໜ້າທີ່ເວົ້າວ່າ ຄ້າຍຂອງ
ກອງທັບແຫ່ງຊາດ ອັຟການິສຖານ ໄດ້ຜ່າຍແພ້ຫຼັງຈາກພວກທະຫານ ບໍ່ສາມາດໄດ້
ຮັບກຳລັງເສີມ ແລະ ການສະໜັບສະໜູນທາງອາກາດ, ແລະ ໝົດລູກປືນພ້ອມກັບ
ສຳພາລະອື່ນໆ.

ກອງບັນຊາການທະຫານໃນຂົງເຂດ ແລະບັນດາເຈົ້າໜ້າທີ່ລັດຖະບານ ໄດ້ຢືນຢັນ ຕໍ່
ວີໂອເອ ໃນວັນອັງຄານວານນີ້ວ່າ ທະຫານປະມານ 40 ຫາ 70 ຄົນ ທີ່ປະຈຳການຢູ່ໃນ
ຄ້າຍດັ່ງກ່າວໄດ້ຍອມຈຳນົນຕໍ່ພວກ ຕາລີບານ. ເຂົາເຈົ້າໄດ້ເວົ້າວ່າ ຜູ້ທີ່ຍັງເຫຼືອແມ່ນ
ໄດ້ຖືກຂ້າຕາຍ ຫຼືບໍ່ກໍຫລົບໜີໄປລີ້ຢູ່ໃນເຂດພູຜາທີ່ໃກ້ຄຽງ ໃນລະຫວ່າງການປະທະ
ກັນ.

ໃນຂະນະດຽວກັນ, ກອງກຳລັງຮັກສາຄວາມປອດໄພ ອັຟການິສຖານ, ດ້ວຍການຊ່ວຍ
ເຫຼືອ ຈາກການໂຈມຕີທາງອາກາດ ແລະທີ່ປຶກສາທາງທະຫານຂອງ ສະຫະລັດ ໄດ້ຍຶດ
ເອົາເມືອງຍຸດທະສາດ ກາສນີ ເຊິ່ງຕັ້ງຢູ່ທາງພາກຕາເວັນອອກສຽງໃຕ້ຂອງປະເທດນັ້ນ
ຄືນ ລຸນຫຼັງການຕໍ່ສູ້ກັນຢ່າງດຸເດືອດຫຼາຍວັນ ກັບພວກ ຕາລີບານ.

ໂຄສົກກະຊວງປ້ອງກັນປະເທດ ອັຟການິສຖານ ທ່ານ ຈາເວັດ ກາຟົວ (Jawed
Ghafoor) ໄດ້ກ່າວຕໍ່ວີໂອເອວ່າ ກອງກຳລັງຮັກສາຄວາມປອດໄພໄດ້ຂັບໄລ່ພວກກະ
ບົດ ອອກໄປຈາກເຂດໃຈກາງເມືອງ ແລະ ວ່າການປະຕິບັດການກວາດລ້າງ ໃນເຂດ
ຊານເມືອງ ກາສນີ ກຳລັງເລີ້ມຂຶ້ນ.

ບັນດາເຈົ້າໜ້າທີ່ກອງທັບ ໄດ້ຢືນຢັນການເສຍຊີວິດຂອງທະຫານ ແລະ ຕຳຫຼວດ
ອັຟການິສຖານ 100 ຄົນ ພ້ອມກັບພົນລະເຮືອນ 30 ຄົນ ນັບຕັ້ງແຕ່ການພວກ ຕາລີ
ບານ ໄດ້ເລີ່ມບຸກໂຈມຕີເມືອງ ເມື່ອວັນສຸກທີ່ຜ່ານມາ, ເຖິງແມ່ນວ່າສື່ມວນຊົນໃນທ້ອງ
ຖິ່ນ ຈະຕັ້ງຕົວເລກຂອງຈຳນວນຜູ້ເສຍຊີວິດໃນກອງກຳລັງລັດຖະບານ ສູງກວ່ານັ້ນ
ກໍຕາມ.