* ຕອນບ່າຍວັນທີ 21 ສິງຫາ 2018, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ປະທານຄະນະກຳມະການສະເພາະກິດແກ້ໄຂໄພພິບັດລະດັບຊາດ ພ້ອມດ້ວຍຄະນະ ໄດ້ລົງຕິດຕາມສະພາບນໍ້າຂອງນອງ ຢູ່ເຂດເມືອງສີສັດຕະນາກ ແລະ ຫາດຊາຍຟອງ ນະຄອນຫລວງວຽງຈັນ ເພື່ອເປັນຊຸກຍູ້ໃຫ້ກຳລັງໃຈ ແລະ ຊີ້ນໍາແກ່ອຳນາດການປົກຄອງທ້ອງຖິ່ນດັ່ງກ່າວ ໃນການແກ້ໄຂໄພນໍ້າຖ້ວມທີ່ພວມເກີດຂຶ້ນ.
ຢູ່ເຂດເມືອງຫາດຊາຍຟອງ ມີຫລາຍບ້ານທີ່ຢູ່ລຽບຕາມລໍາແມ່ນໍ້າຂອງ ຄູກັນນໍ້າດ້ານນອກ ຖືກນໍ້າຖ້ວມ ເປັນຕົ້ນ ເຂດບ້ານນາທາມ, ຫາດດອກແກ້ວ, ບ້ານຫ້ອມ.
ອີງຕາມການຄາດຄະເນຂອງກົມອຸຕຸນິຍົມ ແລະອຸທົກກະສາດ, ລະດັບນໍ້າຂອງ ເຂດນະຄອນຫລວງວຽງຈັນ ໃນວັນທີ 20-22 ສິງຫາ 2018 ຍັງຈຳເປັນຕ້ອງເຝົ້າລະວັງ, ໂດຍສະເພາະເຂດ ໜອງດາ ເມືອງສີໂຄດຕະບອງ, ເຂດນາທາມ, ບ້ານຫ້ອມ ເມືອງຫາດຊາຍຟອງ ແລະ ອື່ນໆ , ພ້ອມທັງຂໍໃຫ້ຕິດຕາມການລາຍງານຂ່າວພະຍາກອນອາກາດ ແລະ ລະດັບນໍ້າຈາກກົມອຸຕຸນິຍົມ ແລະອຸທົກກະສາດ.
No comments:
Post a Comment