ເຂື່ອນໄຟຟ້ານ້ຳງື່ມ 5 ແຈ້ງເຕືອນ ເມືອງພູຄຸນ ແລະເມືອງພູກູດ ກ່ຽວກັບການປ່ອຍນ້ຳອອກຈາກເຂື່ອນ

ໃນມື້ນີ້ 29 ກໍລະກົດ 2018 ບໍລິສັດນ້ຳງື່ມ 5 ຊຶ່ງຕາງໜ້າໂດຍ ທ່ານຫຼີ ໝິງ ໄດ້ສົ່ງໃບສະເໜີຫາເຈົ້າເມືອງພູຄຸນ ແລະເມືອງພູກູດ ເພື່ອຊ່ວຍແຈ້ງເຕືອນໃຫ້ພໍ່ແມ່ປະຊາຊົນຮັບຊາບ ກ່ຽວກັບການປ່ອຍນ້ຳອອກຈາກເຂື່ອນເລີ່ມ ວັນທີ 30 ກໍລະກົດເປັນຕົ້ນໄປ ເນື່ອງຈາກລະດັບນ້ຳໃນອ່າງເກັບສູງຂຶ້ນເລື້ອຍໆ ດັ່ງນັ້ນ ເພື່ອຮັບປະກັນບໍ່ໃຫ້ນ້ຳໃນອ່າງລົ້ນສັນເຂື່ອນໃນຊ່ວງລະດູຝົນນີ້ ບໍລິສັດນ້ຳງື່ມ5 ແມ່ນມີຄວາມຈຳເປັນຕ້ອງປ່ອຍນ້ຳທີ່ມີຢູ່ໃນອ່າງອອກກ່ອນ ແນໃສ່ຮອງຮັບປະລິມານນ້ຳທີ່ຈະໄຫຼເຂົ້າອ່າງໃນຕະຫຼອດລະດູຝົນນີ້.

ໂດຍບໍລິສັດມີແຜນຈະປ່ອຍນ້ຳອອກຈາກອ່າງນັບແຕ່ວັນທີ 30 ກໍລະກົດຫາວັນທີ 25 ຕຸລາ 2018 ໃນປະລິມານທີ່ຈະປ່ອຍແມ່ນ 65-3.333 ແມັດກ້ອນຕໍ່ວິນາທີ.
ສະນັ້ນເພື່ອປ້ອງກັນບໍ່ໃຫ້ເກີດອຸປະຕິເຫດ ຈິ່ງຂໍໃຫ້ພໍ່ແມ່ປະຊາຊົນທີ່ອາໄສຢູ່ບໍລິເວນໃກ້ຄຽງ ເຂດການກໍ່ສ້າງໂຄງການ ໂດຍສະເພາະບ້ານນ້ຳຕິ່ງ, ບ້ານຊຽງແດດ ທີ່ຕັ້ງຢູ່ລຸ່ມເຂື່ອນເຂື່ອນໄຟຟ້ານ້ຳງື່ມ 5ໃຫ້ເອົາໃຈໃສ່ດັ່ງນີ້໊: