ເມື່ອວັນທີ 8 ກໍລະກົດ 2018 ຜູ້ຊ່ຽວຊານດ້ານການລຳລຽງຜູ້ປ່ວຍ ແລະ ກຸ້ຊີບທາງອາກາດ ກ່າວພາຍຫຼັງມີການຖະແຫຼງການຢືນຢັນວ່າໄດ້ນຳ 4 ຄົນອອກຈາກຖ້ຳຫຼວງ ປະເດັນສຳຄັນປະເມີນຈາກຄວາມພ້ອມຂອງຮ່າງກາຍ ແລະ ຈິດໃຈ ເຊິ່ງເບື້ອງຕົ້ນມີການກວດສະພາບຮ່າງກາຍຂອງທັງ 13 ຄົນ ເຖິງແມ່ນວ່າຕອນນີ້ຈະມີຄົນທີ່ບໍ່ເຫັນດີໃນການໃຫ້ທັງ 13 ຄົນດຳນ້ຳອອກມາ ໂດຍໃຫ້ຄຳເຫັນວ່າຕ້ອງໃຫ້ຮ່າງກາຍຂອງນ້ອງໆແຂງແຮງກ່ອນ ສ່ວນອີກ 9 ຄົນທີ່ຍັງເຫຼືອ ທາງໜ່ວຍຊິລຄົງໃຊ້ຈິດວິທະຍາເຂົ້າຊ່ວຍເພີ່ມຄວາມກ້າໃຫ້ພວກເຂົາບໍ່ເກີດຄວາມຢ້ານກົວ ເພື່ອຫຼີກລ່ຽງບັນຫາການໄດ້ຮັບບາດເຈັບຈາກການດຳນ້ຳ ໃນການນຳຕົວອອກມາຈາກຈຸດໄປອີກຈຸດໜຶ່ງ
ພ້ອມເນັ້ນຢ້ຳວ່າ ການພິຈາລະນານຳຄົນທີ່ແຂງແຮງອອກມາກ່ອນເປັນສິ່ງສຳຄັນ ແລະ ມີບາງຄົນເປັນຫອບຫືດ ສ່ວນກໍລະນີຂອງໂຄ໊ຊເອກ ທີ່ມີອາການປ່ວຍໃນລະດັບສີເຫຼືອງ ຄິດວ່າທາງທີມແພດຈະສາມາດຊ່ວຍຟື້ນຟູຮ່າງກາຍໃຫ້ດີຂຶ້ນໃນລະດັບໜຶ່ງໄດ້
No comments:
Post a Comment