ວັນທີ 29 ກໍລະກົດ 2018 ເຈົ້າແຂວງສະຫວັນນະເຂດ ອອກແຈ້ງການດ່ວນ ເຖິງບັນດາເຈົ້າເມືອງ, ອຳນາດການປົກຄອງ ແລະປະຊາຊົນທົ່ວສະຫວັນນະເຂດ ໃຫ້ລະວັງນໍ້າຖ້ວມຕະຫຼອດ 24 ຊົ່ວໂມງ.
ລາຍລະອຽດຂອງແຈ້ງການລະບຸວ່າ ເນື່ອງຈາກ 2 ອາທິດທີ່ຜ່ານມາໄດ້ມີຝົນຕົກລຽນຕິດ ມາຮອດວັນທີ 28 ກໍລະກົດ ລະດັບນໍ້າໃນສາຍນໍ້າຕ່າງໆ ເພິ່ມຂຶ້ນຢູ່ໃນລະດັບເຕືອນໄພຄື 10.3 ແມັດ ເຊິ່ງເຂດອັນຕະລາຍແມ່ນຢູ່ທີ່ 12.5 ແມັດ. ດັ່ງນັ້ນ, ຈຶ່ງແຈ້ງໃຫ້ຜູ້ທີ່ອາໄສຢູ່ໃນເຂດທີ່ລຸ່ມຕໍ່າ, ແຄມແມ່ນໍ້າ ໃຫ້ມີສະຕິດລະມັດລະວັງ ກຽມພ້ອມຂົນເຄື່ອງຂອງມີຄ່າແລະສັດລ້ຽງໄປໄວ້ບ່ອນສູງ, ຕິດຕາມແຈ້ງການເຕືອນໄພເປັນປະຈຳ ແລະຈັດຕັ້ງເວນຍາມເພື່ອຕິດຕາມລະດັບນໍ້າຢູ່ຕະຫຼອດ 24 ຊົ່ວໂມງ.
No comments:
Post a Comment