ສຳນັກຂ່າວຕ່າງປະເທດລາຍງານຈາກນະຄອນກົວເຕມາລາຊິຕີປະເທດກົວເຕມາລາເມື່ອວັນທີ່ 6 ມິຖຸນາວ່າ ສຳນັກງານປະສານງານຈັດການໄພພິບັດແຫ່ງຊາດຂອງກົວເຕມາລາ (ຄອນເຣດ) ລາຍງານພູເຂົາໄຟຟວຍໂກ ຄວາມສູງ 3,736 ແມັດ ຕັ້ງຢູ່ພາກກາງຝັ່ງຈະເວັນຕົກຂອງປະເທດ ເກີດການປະທຸຢ່າງຮຸນແຮງຄັ້ງໃໜ່ເມື່ອວັນພຸດ ຫຼັງປະທຸນານຕໍ່ເນື່ອງກວ່າ 16 ຊົ່ວໂມງ ເມື່ອວັນອາທິດທີ່ຜ່ານມາສົ່ງຜົນກະທົບຢ່າງໜັກຕໍ່ພາລະກິດຄົ້ນຫາຜູ້ສູນຫາຍ ແລະໃຫ້ຄວາມຊ່ວຍເຫຼືອຜູ້ປະສົບໄພ
ດ້ານລາຍງານຂອງສຳນັກງານພູເຂົາໄຟວິທະຍາແຫ່ງຊາດຂອງກົວເຕມາລາລະບຸວ່າ ກຸ່ມຄວັນ ແລະເຖົ້າຖ່ານພວຍພຸ່ງຂື້ນສູງເຖິງ 4,700 ແມັດຈາກປາກປ່ອງພູເຂົາໄຟ ແລະລອຍໄປໄກເຖິງ 1000 ກິໂລແມັດ ຂະນະດຽວກັນເກີດຝົນຕົກລົງມາຢ່າງຕໍ່ເນື່ອງໃນບໍລິເວນເກີດເຫດຍິ່ງເພີ່ມຄວາມສ່ຽງຂອງການເກີດຂີ້ຕົມພູເຂົາໄຟຖະຫລົ່ມດ້ວຍ
No comments:
Post a Comment