ທ່ານຄິດວ່າເໝາະສົມບໍ່? ທີ່ອົງການຈັດຕັ້ງມະຫາຊົນອອກຫຼຽນກາ ແລະ ເຂັມຂັດ ເພື່ອແຈກຍາຍໃຫ້ສະມາຊິກ ແຕ່ຕ້ອງຈ່າຍປັດໄຈ

ນີ້ແມ່ນຫຼຽນກາ ແລະ ເຂັມຂັດປະດັບຂອງສະຫະພັນແມ່ຍິງລາວ, ທີ່ໄດ້ນຳໄປແຈກຍາຍໃຫ້ກັບບັນດາສະຫະພັນແມ່ຍິງບ້ານຕ່າງໆ (ເມືອງໄຊເສດຖາ, ນະຄອນຫຼວງວຽງຈັນ) ທີ່ລະບຸໃຫ້ສະມາຊິກທຸກທ່ານຕ້ອງໄດ້ເອົາ ແລະ ແລກດ້ວຍປັດໄຈມູນຄ່າ 30,000 ກີບ, ເຊິ່ງເງິນຈຳນວນດັ່ງກ່າວມັນກໍ່ບໍ່ຫຼາຍສຳລັບຜູ້ມີລາຍໄດ້ປານກາງ ຫາ ຫຼາຍ, ແລ້ວສຳລັບຜູ້ມີລາຍໄດ້ໜ້ອຍເດ ທ່ານຄິດວ່າມັນເໝາະສົມບໍ່ ທີ່ຈະມີການແຈກຍາຍໃນລັກນະນີ້?. ລອງປະກອບຄຳຄິດຄຳເຫັນ ເພື່ອເປັນແວ່ນແຍງທີ່ສອງໃສແກ່ສັງຄົມຮ່ວມກັນ.