ນັກເຄື່ອນໄຫວ ກ່າວວ່າ ການທົບທວນ ຂອງເຟສບຸກ ເປັນພຽງບາດກ້າວນ້ອຍໆ

ຫວ່າງ​ມໍ່ໆ​ມາ​ນີ້ ເວລາເຟສບຸກກ່າວ​ວ່າ ຕົນ​ຈະ​ທຳ​ການທົບ​ທວນຄືນກ່ຽວກັບສິດທິຂອງ
​ພົນລະ​ເມືອງນັ້ນ ​ພວກນັກເຄື່ອນໄຫວ ເພື່ອເສລີພາບຂອງພົນລະເມືອງ ​ແລະ​ສິດທິມະ
ນຸດ ​ໄດ້​ພາກັນ​ຕົບມື​ໃຫ້​ຢ່າງ​ມີ​ມາລະຍາດ.

​ພວກ​ນັກ​ເຄື່ອນ​ໄຫວ ​ກ່າວວ່າ ນັບເປັນ​ເວລາ​ຫຼາຍ​ປີມາແລ້ວ ທີ່ພວກນັກ​ເຄື່ອນ​ໄຫວ​ໄດ້
ຮຽກ​ຮ້ອງ ໃຫ້ບັນດາ​ບໍລິສັດ​ເທັກ​ໂນ​ໂລ​ຈີ​ທຳ​ການ​ຊັງ​ຊາ​ເບິ່ງ​ນະ​ໂຍບ​າຍ ​ຂອງ​ຕົນ ​ແລະ
​ການ​ຕັດສິນ​ໃຈ ​ທີ່ເປັນ​ຜົນ​ກະທົບ ​ຕໍ່​ສິດທິ​ມະນຸດ ​ຢູ່ໃນທົ່ວ​ໂລກ. ການ​ປະກາດ​ຂອງ​ບໍລິ
ສັດ ​ກ່ຽວກັບ​ການກວດ​ສອບພຽງຄັ້ງດຽວດັ່ງກ່າວທີ່ແນໃສ່​ ສະຫະລັດນັ້ນ ແມ່ນຈະແກ້ໄຂ
ບັນຫາແຕ່ພຽງດ້ານໜ້າ​ຂອງ​ຜົນ​ກະທົບ​ທີ່ມາຈາກ ເຟສບຸກ ​ແລະ​ຈະກະຈາຍ​ໄປ​ຍັງທົ່ວ​
ໂລກ.

ທ່ານ​ອາ​ວິນ​ດ໌ ກາ​ນີຊານ ຜູ້ອຳນວຍ​ການດ້ານທຸລະ​ກິດ ແລະສິດທິ​ມະນຸດ ຂອງກຸ່ມປົກ
ປ້ອງສິດທິມະນຸດ Human Rights Watch ກ່າວ​ວ່າ “ການກວດ​ສອບ​ທີ່​ເຟສບຸກ​ກຳ
ລັງ​ເຮັດ​ຢູ່​ ໃນ​ສະຫະລັດ ​ໃນ​ຂະນະ​ທີ່​ຍິນ​ດີ​ຕ້ອນຮັບ ແຕ່ກໍເນັ້ນໜັກໃສ່ແຕ່​ສະຫະລັດ
ເທົ່ານັ້ນ​. ​ມັນແມ່ນການ​ສະໜອງຕອບໃສ່ຄວາມ​ກົດ​ດັນ​ພາຍໃນປະເທດ.

“ດີ​ກ່ອນ​ບໍ່​ມີ​ຫຍັງເລີຍ” ນັ້ນຄືຄຳເວົ້າ ຂອງທ່ານ​ນາງ​ເຣ​ເບັກ​ກາ ​ແມັກ​ຄິນນອນ ກ່າວເຖິງ
​ການ​ກວດ​ສອບ​ເຟສບຸກ. ທ່ານ​ນາງ​ເປັນ​ຜູ້ອຳນວຍການ​ກ່ຽວກັບການຈັດອັນດັບຂອງສິດ

ທິ​ດີ​ຈີ​ຕອນ ຊຶ່ງ​ເປັນ​ໂຄງການ​ປະເມີນຜົນເບິ່ງ 22 ບໍລິ​ລັດ​ເທັກ​ໂນໂລ​ຈີ ​ແລະ​ບໍລິ​ສັດ​ໂທ
ລະ​ຄົມມະນາຄົມ ປະຈຳ​ປີ ໃນດ້ານຕ່າງໆ​ເຊັ່ນ​ວ່າ​ຄວາມເປັນສ່ວນ​ໂຕ ການສະ​ແດງ
ຄວາມຮູ້ສຶກ ​ແລະ​ການ​ຄຸ້ມຄອງ.

ທ່ານ​ນາງ​ແມັກ​ຄິນ​ນອນ ກ່າວ​ເພີ້​ມວ່າ “ມີ​ການ​ກົດ​ດັນ​ເພີ້ມຂຶ້ນຕໍ່ພວກ​ເຂົາ​ເຈົ້າ ທີ່​ຈະ​
ເຮັດໃນ​ສິ່ງ​ດັ່ງກ່າວ.”

ການ​ກວດ​ສອບສິດທິພົນລະເມືອງຂອງ​ເຟສບຸກ​ມີ​ຂຶ້ນ​ໃນ​ຂະນະ​ທີີ່ບັນດາຮຸ້ນສ່ວນຊຸກ
ຍູ້ໃຫ້​ບໍລິສັດຕ່າງໆ ດຳເນີນການຫຼາຍຂຶ້ນ ກ່ຽວກັບເລື່ອງ​ສິດທິ​ມະນຸດ ​ແລະ​ບັນດາ​ສະ
ມາຊິກ​ສະພາ​ແລະ​ຜູ້ເຮັດ​ກົດ​ລະບຽບກຳລັງຫາລືກັນເພື່ອ​ຊອກ​ຫາຊ່ອງ ​ທາງ ​ເພື່ອ​ຄວບຄຸມບັນດາ​ບໍລິສັດ​ເທັກ​ໂນ​ໂລ​ຈີເຫຼົ່ານີ້.

ໃນ​ກໍລະນີ​ຂອງ​ເຟສບຸກນັ້ນ ການກວດ​ສອບ​ໄດ້ມີຂຶ້ນ ຫລັງຈາກທີ່ໄດ້ມີການເປີດ​ເຜີຍ
ແບບໜ້າ​ລະອາຍ ກ່ຽວ​ກັບ​ວ່າທາງບໍລິສັດໄດ້ຈັດການກັບ​ຂໍ້​ມູນ່ຂອງຜູ້ຊົມໃຊ້ ຢ່າງ​ໃດ
​ແລະ​ການ​ຮັບ​ຟັງຄຳໃຫ້ການຢູ່ສະພາ ທີ່​ຮວມທັງ​ການ​ກ່າວ​ຫາ​ວ່າອາດມີ ການ​ລຳອຽງ​ຂອງເຟສບຸກຕໍ່ຕ້ານການໂອ້ລົມ​ແບບດັ້ງ​ເດີມນັ້ນ.