ລົດບັດຕຳກັນ ຢູ່ເກົາຫຼີເໜືອ ເຮັດໃຫ້ ນັກທ່ອງທ່ຽວຈີນ ເສຍຊີວິດ 32 ຄົນ

ຈີນກ່າວວ່າ ມີກຸ່ມນັກທ່ອງທ່ຽວຊາວຈີນ 32 ຄົນ ແລະຊາວເກົາຫຼີເໜືອ 4 ຄົນເສຍ
ຊີວິດໃນວັນອາທິດທີ່ຜ່ານມາ ໃນອຸປະຕິເຫດທາງລົດບັດທີ່ເກົາຫຼີເໜືອ.

ກະຊວງການຕ່າງປະເທດຈີນ ກ່າວວ່າ ອຸປະຕິເຫດຄັ້ງນີ້ແມ່ນເກີດຂຶ້ນທີ່ແຂວງຮວາງ
ເຫ ຊຶ່ງຕັ້ງຢູ່ທາງທິດໃຕ້ ນະຄອນຫຼວງພຽງຢາງຂອງເກົາຫຼີເໜືອ.

ທ່ານລູ ກັງ ໂຄສົກກະຊວງການຕ່າງປະເທດຈີນ ກ່າວຕໍ່ພວກນັກຂ່າວໃນວັນຈັນວານ
ນີ້ວ່າສາເຫດຂອງອຸປະຕິເຫດແມ່ນກຳລັງມີການສືບສວນກັນຢູ່.

ນອກຈາກພວກທີ່ເສຍຊີວິດແລ້ວ ນັກທ່ອງທ່ຽວຈິນອີກ 2 ຄົນ ຍັງໄດ້ຮັບບາດເຈັບສາ
ຫັດ ໃນອຸປະຕິເຫດດັ່ງກ່າວ ແລະຈີນໄດ້ສົ່ງພວກນາຍໝໍ ໄປໃຫ້ການຊ່ວຍເຫຼືອໃນການ
ຮັບມືກັບອຸປະຕິເຫດນີ້.

ພວກນັກທ່ອງທ່ຽວຈີນ ແມ່ນປະກອບເປັນກຸ່ມໃຫຍ່ທີ່ສຸດ ທີ່ໄດ້ເດີນທາງໄປຢ້ຽມຢາມ
ປະເທດເພື່ອນບ້ານທີ່ໂດດດ່ຽວດັ່ງກ່າວ.