ປະຊາຊົນ ອີຈິບ ໄປລົງຄະແນນສຽງ ໃນການເລືອກຕັ້ງ ປະທານາທິບໍດີ

ປະເທດ ອີຈິບ ໄດ້ເລີ່ມການລົງຄະແນນສຽງ ໃນວັນຈັນມື້ນີ້ ໃນການເລືອກຕັ້ງທີ່ມີການ
ຄາດຄະເນກັນ ຢ່າງກວ້າງຂວາງວ່າ ປະທານາທິບໍດີ ອັບແດລ ຟັດທາ ແອລ-ຊິສຊີ
“Abdel Fattah el-Sissi” ຈະໄດ້ເຂົ້າດຳລົງຕຳແໜ່ງ ຕື່ມອີກສະໄໝນຶ່ງ.

ທ່ານ ຊິສຊີ ມີຜູ້ທ້າຊິງພຽງຄົນດຽວຄື, ທ່ານ ມູສຊາ ມຸສຕາຟາ ມູສຊາ “Moussa
Mustafa Moussa,” ຜູ້ທີ່ໄດ້ທີ່ສະໜັບສະໜູນທ່ານ ຊິສຊີ ກ່ອນເຂົ້າຮ່ວມໃນການ
ແຂ່ງຂັນ.

ສ່ວນຜູ້ລົງແຂ່ງຂັນຄົນອື່ນໆແມ່ນໄດ້ຖືກຈັບ ຫຼືບໍ່ກໍຖືກກົດດັນໃຫ້ຖອນຕົວອອກຈາກ
ການແຂ່ງຂັນ, ແລະ ພັກຝ່າຍຄ້ານທັງຫຼາຍ ຕ່າງກໍໄດ້ຮຽກຮ້ອງບໍ່ໃຫ້ເຂົ້າຮ່ວມຫຼືບອຍ
ຄອດການລົງຄະແນນສຽງດັ່ງກ່າວ.

ການເລືອກຕັ້ງໄດ້ດຳເນີນໄປສາມວັນ ເຊິ່ງຜົນການນັບຄະແນນ ຢ່າງເປັນທາງການ
ແມ່ນຄາດວ່າ ຈະຖືກເປີດເຜີຍໃນວັນທີ 2 ເມສານີ້.

ໃນເມື່ອມີການຄາດວ່າ ທ່ານ ຊິສຊີ ຈະໄດ້ຮັບໃຊ້ຊະນະນັ້ນ, ຈຸດສົນ ໃຈ ຈຶ່ງໄດ້ຖືກ
ເພັ່ງເລັງໃສ່ຈຳນວນຂອງປະຊາຊົນຜູ້ທີ່ອອກໄປປ່ອນບັດໃນການເລືອກຕັ້ງ.

ທ່ານໄດ້ເຂົ້າກຳອຳນາດໃນປີ 2013 ດ້ວຍການຂັບໄລ່ປະທານາທິບໍດີ ໂມຮຳເມັດ ມໍຊີ
“Mohamed Morsi,” ອອກຈາກຕຳແໜ່ງ ແລະຫຼັງຈາກນັ້ນ ກໍໄດ້ຊະນະການເລືອກ
ຕັ້ງ ໃນປີ 2014 ດ້ວຍຄະແນນສຽງ 97 ເປີເຊັນ. ແຕ່ບັນດາເຈົ້າໜ້າທີ່ເລືອກຕັ້ງ ໄດ້ຍືດ
ເວລາຂອງການລົງ ຄະແນນສຽງໃນການເລືອກຕັ້ງຄັ້ງນັ້ນຕື່ມອີກນຶ່ງວັນ ຍ້ອນມີຜູ້
ອອກໄປ ລົງຄະແນນສຽງຕໍ່າ ແລະ ຈຳນວນຕົວເລກສຸດທ້າຍຂອງຜູ້ເຂົ້າຮ່ວມ ແມ່ນ
ມີບໍ່ເຖິງ 50 ເປີເຊັນ.