ທີວີລາວ ມອບຄວາມສຸກໃຫ້ຊາວລາວ ຮັບລິຄະສິດຖ່າຍທອດສົດບານໂລກ 2018 ຕະຫຼອດການແຂ່ງຂັນ

    

ຂ່າວດີສໍາລັບແຟນບານຊາວລາວ ຕໍ່ໄປຈະບໍ່ໄດ້ລັກເບິ່ງ ຫຼື ລະເມີດລິຂິສິດຂອງໃຜອີກແລ້ວ ເມື່ອທີວີລາວ ຮັບລິຂະສິດຖ່າຍທອດສົດ ບານໂລກ 2018 ໜຶ່ງດຽວໃນ ສປປ ລາວ ເພື່ອມອບຄວາມສຸກໃຫ້ກັບແຟນບານຊາວລາວ ຕະຫຼອດການແຂ່ງຂັນບານໂລກ 2018 ລະຫວ່າງວັນທີ 14 ມິຖຸນາ-15 ກໍລະກົດນີ້.

 ໂດຍ ທີວີລາວ ຈະຖ່າຍທອດສົດນັດສໍາຄັນ ຫຼື ນັດເບິ່ງແມັດ ຢ່າງໜ້ອຍ 1 ຫຼື 2 ຄູ່ຕະຫຼອດການແຂ່ງຂັນໃນຮອບແບ່ງກຸ່ມ, ສ່ວນຮອບເລິກໆຈະຖ່າຍໃຫ້ຊົມແບບບໍ່ພາດການແຂ່ງຂັນເລີຍ.

ເຊິ່ງກ່ອນໜ້ານີ້ ທ່ານ ດຣ ຫົງຄໍາ ສຸວັນນະວົງ ປະທານໂທລະພາບທີວີລາວ ເປີດເຜີຍວ່າ: ໃນລະຫວ່າງບານໂລກ 2018 ທີວີລາວຮັບລິຂະສິດຖ່າຍທອດສົດຢ່າງເຕັມຕົວ ໂດຍຈະເນັ້ນຖ່າຍທົດສົດບານໂລກ 2018 ແລະ ບານເຕະ ເປບຊີ ລາວພຣີເມຍລີກ 2018 ໄປພ້ອມໆກັນ ໂດຍຈະເນັ້ນບານໂລກ, ສ່ວນ ລາວພຣີເມຍລີກ ຈະເນັ້ນຖ່າຍຄູ່ບິກແມັດ ເພື່ອມອບຄວາມສຸກໃຫ້ກັບຊາວລາວທັງປະເທດ.

   ການແຂ່ງຂັນບານໂລກ 2018 ຮອບຄັດເລືອກ ໂຊນເອີຣົບ ໄດ້ມາແລ້ວ 9 ທີມສູ່ບານໂລກຮອບສຸດທ້າຍເປັນທີ່ແນ່ນອນແລ້ວ ແລະ 8 ທີມຕ້ອງໄປເພລອ໊ອຟ ເພື່ອຄັດເອົາອີກ 4 ທີມໄປຮອບສຸດທ້າຍ. ຂະນະທີ 5 ທີມໃຫຍ່ຕ້ອງນໍ້າຕາຕົກອົດໄປບານໂລກຮອບສຸດທ້າຍ ຕ້ອງລໍຖ້າໂອກາດອີກ 4 ປີຕໍ່ໄປ.

9 ທີມທີ່ໄດ້ສິດໄປຫຼິ້ນຮອບສຸດທ້າຍ ໃນຖານະແຊັມກຸ່ມປະກອບດ້ວຍ:

 -ຝຣັ່ງ ແຊັມກຸ່ມ A
 -ປ໊ອກຕຸຍການ ແຊັມກຸ່ມ B
 -ເຢຍລະມັນ ແຊັມກຸ່ມ C
 -ແຊກບີ ແຊັມກຸ່ມ D
 -ໂປໂລຍ ແຊັມກຸ່ມ E
 -ອັງກິດ ແຊັມກຸ່ມ F
 -ແອັດສະປາຍ ແຊັມກຸ່ມ G
 - ແບນຊິກ ແຊັມກຸ່ມ H
 -ອຽກລັງ ແຊັມກຸ່ມ I  

Link Lao update