ພູໄຟມາຢອນ ຂອງຟີລິບປິນ ຍັງສົ່ງຂີ້ເທົ່າ ກຸ້ມຂຶ້ນສູ່ທ້ອງຟ້າ ແລະລາວາ ໄຫຼອອກມາ

ປະຊາຊົນໃນເມືອງມາຢອນ ຫຼາຍກວ່າ 50,000 ຄົນ ໄດ້ຖືກຍົກຍ້າຍອອກໜີ ໃນຂະນະ
ທີ່ ພູໄຟ ທີ່ພວມມີການເໜັງຕີງຫຼາຍທີ່ສຸຸດ ຂອງຟີລິບປິນ ສືບຕໍ່ສົ່ງຄວັນແລະຂີ້ເທົ່າຂຶ້ນ
ສູ່ທ້ອງຟ້າ ແລະ ກໍມີລາວາຮ້ອນສີແດງໄຫລອອກມາເປັນສາຍຍາວຢຽດ.

ສະຖາບັນການຄົ້ນຄວ້າດ້ານພູໄຟຂອງຟີລິບປິນ ກ່າວວ່າ ພູໄຟມາຢອນໄດ້ລະເບີດຂຶ້ນ
ໂດຍສົ່ງລາວາຮ້ອນອອກມາ ແລະສົ່ງຂີ້ເທົ່າ ເປັນຄວັນກຸ້ມຂຶ້ນສູ່ທ້ອງຟ້າ ສູງເຖິງ 600
ແມັດ ພ້ອມກັນນັ້ນ ຂີ້ເທົ່າຍັງພຸ່ງສູງຂຶ້ນເຖິງ 5 ກິໂລແມັດ ຈາກປາກຂອງຟູໄຟນັ້ນ ເຊິ່ງ
ມັນໄດ້ເລີ່ມຕົ້ນຂຶ້ນ ໃນຕອນແລງ ວັນອັງຄານທີ່ຜ່ານມານີ້ ແລະຍັງສືບຕໍ່ ມາຈົນຮອດ
ຕອນເຊົ້າຂອງວັນພຸດມື້ທີ່ຜ່ານມານີ້.

ສະ​ຖາ​ບັນຄົ້ນຄວ້າພູ​ໄຟ​ຂອງ​ຟິລິບ​ປີນ ໄດ້​ເພີ້ມ​ການ​ເຕືອນ​ກ່ຽວກັບພູໄຟມາຢອນໃຫ້​
ສູງຂຶ້ນສູ່ລະດັບ 4 ຂອງຂອງການວັດແທກ ທີມີທັງໝົດ 5 ລະດັບ ທີ່​ເປັນ​ຂີດ​ໝາຍ​ຂອງ​
ໄພ​ອັນຕະລາຍໃນການ​ລະເບີດຂຶ້ນຄັ້ງໃຫຍ່ ທີ່ຈະເກີດຂຶ້ນໃນໄວໆນີ້. ສະ​ຖາ​ບັນ​ດັ່ງກ່າວ
​ຍັງ​ໄດ້ຂະຫຍາຍ​ເຂດ​ອັນຕະລາຍ​ທີ່ຢູ່​ອ້ອມ​ແອ້ມ​ພູມາຢອນອອກ​ໄປ​ ​ໃນ​ລັດສະໝີ 8
ກິ​ໂລ​ແມັດ. ພູໄຟມາຢອນ ທີ່ຕັ້ງຢູ່ຫ່າງຈາກນະຄອນ ຫຼວງມະນີລາ ຫຼາຍກວ່າ 300 ກິໂລ
ແມັດ ແມ່ນນຶ່ງໃນບັນດາພູໄຟ ຈຳນວນ 22 ໜ່ວຍຂອງຟີລິບປິນ ທີ່ມີການເໜັງຕີງຢູ່.
ພູໄຟມາຢອນ ໄດ້ລະເບີດຂຶ້ນ ຢ່າງນ້ອຍ 50 ຄັ້ງຜ່ານມາ ໃນຄວາມຊົງຈຳ ທີ່ໄດ້ຖືກ
ບັນທຶກໄວ້ ເຊິ່ງຄັ້ງຮ້າຍແຮງທີ່ສຸດ ແມ່ນເກີດຂຶ້ນໃນປີ 1814 ໃນເວລາ ເມືອງກາຊາວາ
ໄດ້ຖືກຕົມຂອງພູໄຟໄຫລລົງມາຖົມ ແລະເຮັດໃຫ້ປະຊາຊົນ ຫຼາຍກວ່າ 1,000 ຄົນ
ເສຍຊີວິດ.ປະ​ເທດ​ຟິລິບ​ປີນ ​ແມ່ນ​ຕັ້ງ​ຢູ່ເຂດ​ວົງ​ແຫວນໄຟ ຫຼື “Ring of Fire,” ຊຶ່ງ​ແມ່ນ​ເສັ້ນ​

ແຕກ​ແຫງ​ ໃນເຂດມະຫາ​ສະໝຸດ​ປາຊິ​ຟິກ ທີ່​ມັກພາໃຫ້ເກີດ​ແຜ່ນດິນ​ໄຫວ ​ແລະ​