ທ່ານ ຫລີ່ຈິນເຊົາ ປະທານ ສຳນັກງານ ບໍລິຫານ ການທ່ອງທ່ຽວ ແຫ່ງຊາດ ຈີນ (ຊີເອັນທີເອ) ເປີດເຜີຍ ໃນກອງປະຊຸມການທ່ອງທ່ຽວ ຈັດຂຶ້ນຢູ່ເມືອງເຊີຍະເຫມີນ ທາງພາກຕາເວັນອອກ ຂອງມົນທົນຟູຈຽນວ່າ: ອຸດສາຫະກຳ ການທ່ອງທ່ຽວ ຂອງປະເທດ ຈະສືບຕໍ່ຂະຫຍາຍຕົວຢ່າງຕໍ່ເນື່ອງ. ປີກາຍນີ້ ຂະແໜງ ການທ່ອງທ່ຽວ ໄດ້ສ້າງລາຍໄດ້ເຖິງ 5,4 ພັນຕື້ຢວນ, ໃນນັ້ນຊາວຈີນ ລວມມີ 5 ຕື້ກວ່າຄັ້ງ ໂດຍສະເລ່ຍ 1 ຄົນຕໍ່ 3,7 ຄັ້ງ, ສ້າງລາຍໄດ້ປະມານ 4,57 ພັນຕື້ຢວນ, ເພີ່ມຂື້ນ 69% ເມື່ອທຽບໃສ່ປີ 2012, ຂະນະດຽວກັນນັ້ນ ຊາວຈີນເດີນທາງໄປຕ່າງປະເທດ ລວມມີ 129 ລ້ານຄັ້ງ. ນອກນີ້ ຍັງສ້າງວຽກເຮັດງານທຳຫລາຍກວ່າ 80 ລ້ານຕຳແໜ່ງ ແລະ ກາຍເປັນອຸດສາຫະກຳ ຊ່ວຍຊຸກຍູ້ເສດຖະກິດ ໃຫ້ຫລຸດຜ່ອນບັນຫາຄວາມທຸກຍາກລົງໄດ້./.
No comments:
Post a Comment