ສະຫລູບ..!!! ສາເຫດໄຟໄໝ້ ອາຄານ ສູນການຄ້າ ເວີລເທດເຊັນເຕີ (World Trade Center) ຂອງ ວັນທີ 3 ທັນວາ ຜ່ານມາ

ແລງວັນທີ 3 ທັນວານີ້, ໄດ້ເກີດມີຄວັນສີດຳ ຈຳນວນຫລາຍອອກຈາກອາຄານ ສູນການຄ້າ ເວີລເທດເຊັນເຕີ (World Trade Center), ທີ່ພວມຢູ່ໃນໄລຍະການກໍ່ ສ້າງ ໄດ້ສ້າງຄວາມຕົກໃຈໃຫ້ຜູ້ທີ່ພົບເຫັນ ບວກກັບເສັ້ນທາງຄູວຽງ ທີ່ມີລົດທຽວຢ່າງບໍ່ ຂາດສາຍ ພາຍຫລັງເກີດເຫດການດັ່ງກ່າວ ກໍເຮັດໃຫ້ການສັນຈອນຕິດຄັດດົນເຕີບ.

ທ່ານ ຈັນທະບູນ ແກ້ວມະນີວົງ ຫົວໜ້າພະແນກສະກັດກັ້ນ ແລະ ຕ້ານອັກຄີໄພ ນະຄອນຫລວງວຽງຈັນ ໃຫ້ຮູ້ວ່າ: ເຫດການດັ່ງກ່າວ ເກີດຂຶ້ນໃນເວລາປະມານ 16:30 ໂມງຂອງວັນທີ 3 ທັນວານີ້,
ຍ້ອນກຳມະກອນ ໄດ້ຈອດເຫລັກເຮັດໃຫ້ສະເກັດໄຟປິວ ໄປໃສ່ທໍ່ຢາງ ຈົນເກີດແປວໄຟລຸກໄໝ້ ເສຍຫາຍສົມຄວນ, ໂດຍເຈົ້າໜ້າທີ່ ໄດ້ນຳລົດນ້ຳ 3 ຄັນເຂົ້າຊ່ວຍເຫລືອ, ຊຶ່ງໃຊ້ເວລາປມະນ 15 ນາທີ ກໍສາມາດຄວບຄຸມເພີງໄວ້ໄດ້, ໂຊກດີເຫດການຄັ້ງນີ້ ບໍ່ມີຄົນໄດ້ຮັບບາດເຈັບ ແລະ ເສຍຊີວິດ.