ລາວລີກວ່າແນວໃດ! ໄທລີກ ມາແຮງທຸ້ມ 24 ລ້ານບາດກວາດ 7 ສະຕາອາຊຽນ ຫຼັງເພີ່ມໂກຕານັກເຕະອາຊຽນ

ລະດູການ 2018 ສະມາຄົມບານເຕະແຫ່ງປະເທດໄທ ເດີນໜ້າເປີດຕະຫຼາດອາຊຽນ ດ້ວຍການແກ້ລະບົບການແຂ່ງຂັນບານເຕະລີກອາຊີບໃໝ່ ໃນເລື່ອງຕົວຜູ້ຫຼິ້ນຕ່າງຊາດຈາກເດີມທີ່ສົ່ງລາຍການຜູ້ຫຼິ້ນ 5 ຄົນ ໂດຍກະຕິກກາລົງສະໜາມ 3+1, ເຊິ່ງລາຍການລະອຽດຂອງການລົງສະໜາມຈາກເດີມຄື ຜູ້ຫຼິ້ນຊາດຕ່າງໆບໍ່ເກີນ 3 ຄົນບວກກັບຜູ້ຫຼິ້ນທີ່ມີສັນຊາດອາຊີ 1 ຄົນ.

ຂະນະທີ່ ລະບຽບການແຂ່ງຂັນໃໝ່ໃຫ້ສົ່ງລາຍຊື່ນັກເຕະຕ່າງຊາດ 5 ຄົນ ປະກອບໄປດ້ວຍ ຜູ້ຫຼິ້ນຊາດຕ່າງໆ 3 ຄົນ, ອາຊີ 1 ຄົນ ແລະ ອາຊຽນ 1 ຄົນ ໂດຍການລົງສະໜາມຍັງໃຊ້ກະຕິກາເດີມ 3+1.

ຈາກຜົນດັ່ງກ່າວເຮັດໃຫ້ ຕະຫຼາດຊື້-ຂາຍນັກທີ່ເປີດຂຶ້ນນັ້ນ ທີມໃນລະດັບຕ່າງທັງໄທລີກ 1 ແລະ ໄທລີກ 2 ຕ່າງໃຫ້ຄວາມສົນໃຈກັບໂຄຕາອາຊຽນ ເພາະໄດ້ຮັບຄວາມສົນໃຈດ້ານການຕະຫຼາດສູງເປັນຢ່າງຍິ່ງ ຈາກແຟນບານອາຊີຕາເວັນອອກສຽງໃຕ້ ແນ່ນອນວ່າການຄວ້ານັກເຕະຂອງແຕ່ລະຊາດດັ່ງກ່າວມາສູ່ທີມຍ່ອມໄດ້ຮັບຄວາມສົນໃຈເປັນຢ່າງຍິ່ງ.

ໂດຍສະເພາະເລື່ອງສັນຍາ ຫຼື ຄ່າຈ້າງຂອງນັກເຕະໂຄຕາອາຊຽນ ເຊິ່ງເວລານີ້ວົງການບານເຕະໄທເປີດເຜີຍວ່າ ທີມສະໂມສອນໃນປະເທດໄທ ຈ່າຍທຸ້ມເງິນເປັນຈໍາຈວນ 24 ລ້ານບາດ ຄວ້າ 7 ນັກເຕະຊຸບເປີດສະຕາໃນປະເທດອາຊຽນ.

ໂດຍ 7 ນັກເຕະດັ່ງກ່າວມາຈາກດັ່ງນີ້:
   -ສິງກະໂປ 3 ຄົນຄື: ຮັສຊັນ ຊັນນີ ມາຢູ່ກັບອາມີ ຢູໄນເຕັດ, ຊູຟາມີ ອາຣີຟິນ ຢູ່ ຊົລບູລີ ເອັຟຊີ ແລະ ອີຊວານ ມາບຸດ ຢູ່ກັບ ໜອງບົວພິຊົນ.

-ມຽນມາ 2 ຄົນຄື: ອ່ອງທູ ຢູ່ກັບ ເທໂຣ ແລະ ຄຽວ ໂຄ ໂຄ ຢູ່ກັບ ຊຽງຣາຍ ຢູໄນເຕັດ.

ອິນໂດເນເຊຍ 1 ຄົນຄື: ຣຽວຈິ ອູໂຕໂມະ ຢູ່ກັບ ພີທີທີ ຣະຢອງ.

ຟິລິບປິນ 1 ຄົນຄື: ຮິກາຣຸ ມິເນກິຊິ ຢູ່ກັບ ພັດທະຍາ ຢູໄນເຕັດ.