ນາຍົກ ເລບານອນ ທ່ານ ຊາອາດ ຮາຣີຣີ ຈະເດີນທາງ ໄປປະເທດຝຣັ່ງ ໃນໄວໆນີ້

ນາຍົກລັດຖະມົນຕີ ເລບານອນ ທ່ານ Saad Hariri ໃຫ້ສຳພາດສົດ ກັບສະຖານີໂທລະພາບ ໃນນະຄອນຫຼວງ Riyadh ປະເທດ Saudi Arabia, ວັນທີ 12 ພະຈິກ 2017.

ນາຍົກລັດຖະມົນຕີເລບານອນ ທ່ານ Saad Hariri ໄດ້ຮັບເອົາການສະເໜີທີ່
ຈະເດີນທາງໄປຝຣັ່ງ ໃນໄລຍະສອງສາມມື້ຂ້າງໜ້ານີ້ ຊຶ່ງເປັນການເຄື່ອນໄຫວ
ຫລ້າສຸດ ໃນເຫດການທີ່ດຳເນີນມາເກືອບສອງອາທິດ ຫ້ອມລ້ອມການປະກາດ
ກ່ຽວກັບການລາອອກຂອງທ່ານໃນຕົ້ນເດືອນນີ້.

ທ່ານ Hariri ໄດ້ພຳນັກຢູ່ປະເທດຊາອຸດີ ອາຣາເບຍ ນັບແຕ່ທ່ານໄດ້ປະກາດ
ລາອອກ ຊຶ່ງພາໃຫ້ເກີດມີຄຳຖາມກ່ຽວກັບວ່າ ທ່ານໄດ້ຖືກກັກຕົວໄວ້ຢູ່ທີ່ນັ້ນຫຼື
ບໍ່ ແລະພາໃຫ້ປະທານາທິບໍດີເລບານອນ ທ່ານ Michel Aoun ປະກາດວ່າ
ທ່ານໄດ້ຖືກຄຸມຂັງຢູ່ທີ່ນັ້ນ.