ບໍລິສັດ ນະຄອນຫຼວງ ຈຳກັດ ເປີດຮ້າຍຈຳໜ່າຍດອກໄມ້ງາມ

ບໍລິສັດ ນະຄອນຫຼວງ ຈຳກັດ ເປີດຮ້າຍຈຳໜ່າຍດອກໄມ້ງາມ ຮົ່ວ ທຽນຟ່າງ 
ບໍລິສັດ ນະຄອນຫຼວງ ຈຳກັດ ເປັນການລົງທຶນຮ່ວມຂອງນັກທຸລະກິດຈີນໃນສປປ.ລາວ ໄດ້ເປີດຮ້ານຈຳໜ່າຍດອກໄມ້ ຮົ່ວ ທຽນຟ່າງ ເພື່ອນຳເອົາດອກໄມ້ທີ່ປູກ ແລະ ຜະລິດຈາກຂຸນໝິງມາຈຳໜ່າຍທັງແບບຂາຍສົ່ງ ແລະ ຂາຍຍ່ອຍດອກໄມ້ທີ່ມີຄຸນນະພາບສູງ ແຕ່ລາຄາເປັນກັນເອງ. ຜູ້ສົນໃຈຢາກຕິດຕໍ່ພົວພັນເພື່ອນຳເອົາດອກໄມ້ຂອງຮ້ານເພິ່ນມາຈຳໜ່າຍຕໍ່ ຫຼື ຢາກຊື້ດອກໄມ້ ມາປະດັບປະດາເຮືອນຊານຫຼື ເພື່ອຈຸດປະສົງອື່ນໆ ສາມາດພົວພັນກັບຮ້ານຕັ້ງຢູ່ ຖະໜົນກຳແພງເມືອງ (ເຕ 4) ຫ່າງຈາກໄອເຕັກປະມານ 200 ແມັດ ເມືອງໄຊເສດຖາ ນະຄອນຫຼວງວຽງຈັນ.
ທ່ານ ຫຼີ ຢຸນໂບ ປະທານບໍລິສັດ ນະຄອນຫຼວງຈຳກັດໄດ້ໃຫ້ຮູ້ວ່າ ກ່ອນທີ່ຈະເປີດຮ້ານຈຳໜ່າຍດອກໄມ້ໃນຄັ້ງນີ້ ຕົນໄດ້ບໍລິການສົ່ງດອກໄມ້ໃຫ້ກັບຮ້ານຕ່າງໆໃນນະຄອນຫຼວງວຽງຈັນ ມາໄດ້ 2-3 ປີແລ້ວ ຈຶ່ງຢາກຂະຫຍາຍທຸລະກິດຈຳໜ່າຍດອກໄມ້ໃນລາວ ໃນການສ້າງຕັ້ງບໍລິສັດ ແລະ ເປີດຮ້ານຈຳໜ່າຍດອກໄມ້ ໃນຄັ້ງນີ້ ທາງບໍລິສັດໄດ້ລົງທຶນສູງເຖິງ 1,5 ລ້ານຢວນ ຫຼື ປະມານ 1,8 ຕື້ກີບ. ທາງບໍລິສັດມີສາງເກັບດອກໄມ້ທີ່ຕິດຕັ້ງລະບົບຮັກສາຄວາມເຢັນເພື່ອຮັກສາດອກໄມ້ໃຫ້ສົດ ແລະ ໃຫມ່ ທີ່ບັນຈຸໄດ້ຫຼາຍເຖິງ 5 ໂຕນ.