ທ່ານ ຊໍມິນ ເຈົ້າຫນ້າທີ່ປົກຄອງທ້ອງຖິ່ນ ທີ່ໝູ່ບ້ານເຂດແຂວງ ມໍນິວາ ຕັ້ງຢູ່ທາງທິດຕາ ເວັນຕົກຂອງເມືອງມັນຣະເລ ຂອງມຽນມາ ເປີດເຜີຍວ່າ ທ່ານ ຈໍ່ເສ່ງວິນ ອາຍຸ 22 ປີ ກັບ ທ່ານ ເດົາຕະຫມ່າ ອາຍຸ 19 ປີ ສອງອ້າຍນ້ອງຊາວມຽນມາ ໃນແຂວງ ມໍນິວາ ໄດ້ສ້າງເຮືອບິນ ໃບພັດຂະໜາດນ້ອຍຂື້ນຈາກວັດສະດຸທີ່ຫາໄດ້ໃນທ້ອງຖິ່ນ ໂດຍໃຊ້ເຄື່ອງຈັກຮອນດ້າ ເປັນ ແຮງຂັບເຄື່ອນໃບພັດ
ທັງສອງໃຊ້ເວລາກ່ວາ 1 ປີ ໃນການສ້າງເຮືອບິນລຳດັ່ງກ່າວ ກ່ອນຈະແລ່ນເອກະສານ ຂໍອະນຸຍາດລັດຖະບານມຽນມາ ເພື່ອຂໍນຳເຮືອບິນໄປທົດລອງບິນ ຊຶ່ງຫລັງຈາກຍື່ນຂໍອະນຸ ຍາດໄປແລ້ວກ່ວາ 1 ປີ ທາງລັດຖະບານມຽນມາກໍ່ໄດ້ອານຸຍາດໃຫ້ນຳເຮືອບິນຂື້ນບິນທົດ ລອງໄດ້ໃນຫວ່າງບໍ່ດົນມານີ້
ໃນການທົດລອງຂື້ນບິນ ເຮືອບິນລຳດັ່ງກ່າວສາມາດຂື້ນບິນໄດ້ເປັນເວລາປະມານ 10 ນາທີ ກ່ອນຈະລົງຈອດຢ່າງປອດໄພ ທ່າມກາງຄວາມຍິນດີຂອງຊາວບ້ານທີ່ຮູ້ຂ່າວ ແລະເດີນທາງ ມາເບິ່ງການທົດລອງຂື້ນບິນກ່ວາ 300 ຄົນ ແລະຫລັງຈາກນີ້ໄປ 2 ອ້າຍນ້ອງນັກປະດິດຊາວ ມຽນມາກໍ່ຍັງກຽມສ້າງເຮືອບິນບໍ່ມີຄົນຂັບ
No comments:
Post a Comment