ຂປລ. ອາທິດຜ່ານມານີ້, ສະຫະກອນຜູ້ຜະລິດກາເຟ ເຂດພູພຽງບໍລະເວນ ໄດ້ຈັດງານສະເຫລີມສະຫລອງ ຄົບຮອບ 10 ປີ (2007-2017) ໃນການສ້າງຕັ້ງສະຫະກອນ ທີ່ແຂວງຈໍາປາສັກ ໂດຍເຂົ້າຮ່ວມ ຂອງ ທ່ານ ພວງປາຣິສັກ ປຣະວົງວຽງຄຳ ຮອງລັດຖະມົນຕີກະຊວງກະສິກຳ ແລະ ປ່າໄມ້, ມີທ່ານ ບົວສອນ ວົງສອງຄອນ ຮອງເຈົ້າແຂວງຈຳປາສັກ, ມີຄະນະນຳ, ແຂກຖືກເຊີນຈາກ ແຂວງສາລະວັນ, ເຊກອງ ແລະ ຈຳປາສັກ ແລະ ສະມາຊິກສະຫະກອນເຂົ້າຮ່ວມ.
ສະມາຊິກສະຫະກອນ ໄດ້ເປີດເຜີຍວ່າ: ເມືອງປາກຊ່ອງ ແຂວງຈໍາປາສັກ ມີທ່າແຮງໃນການ ຜະລິດກະສິກໍາ ເປັນພິເສດ ໂດຍສະເພາະການປູກກາເຟ ເຊິ່ງພື້ນທີ່ເກືອບທັງໝົດ ເປັນດິນພູໄຟເກົ່າເໝາະແກ່ ການປູກກາເຟ, ປູກພືດກະສິກໍາສະໜອງ ສະບຽງອາຫານໃຫ້ພາຍໃນປະເທດ ແລະ ສົ່ງອອກ ແຕ່ພົ້ນເດັ່ນກວ່າໝູ່ແມ່ນ ການປູກກາເຟ ຄາດວ່າພາຍໃນປີ 2017 ການສົ່ງອອກກາເຟ ຈະບັນລຸ 112 ລ້ານໂດລາສະຫະລັດ.
No comments:
Post a Comment